Yona 1:9 - Amazwi Yakwe Leza 2013

⁹ Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”

Yona 1:9 ပူးပေါင်းရင်းမြစ်များ

Utandiko 1:10

Alino Leza atemela musili ati, “Insi,” nga na manzi ali pa cifulo conga ati, “Yemba.” Lyene Leza alola ukuti camuzanzya.

Utandiko 14:13

Lelo umuntu umwi uwapunsumwike aya anena Abulamu Muyebulai. Abulamu wikalanga pipi nu ku miti yamuzilo yakwe Mamule mwina Amoli. Mamule na Esyikoli nga na Anele yali aina, apangine kulemana na Abulamu ku vya nkondo.

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Utandiko 39:14

aama aomvi aombanga mu ng'anda nga avwanga ati, “Lolini ci! Uwane waleta Muyuda wi mu ng'anda itu kuti aize aatuzewanya. Wali wiza ku muputule wane ati tulale nawe.

2 Yamwene 17:25

Lino yikazile mumu kwene, apakutandika yatapepanga Yawe. Acino Yawe nawe ali pakutuma yacisama alemile yamwi nu kuyakoma.

2 Yamwene 17:28

Fwandi ali vino simapepo wenga umwina Izlaeli, uwasenzilwe ukufuma ku Samaliya waswilile nu kuyaikala uku Betele, kuko kuno waile asunda antu ivyakupepa Yawe.

Ezila 1:2

“Lii ilamulo lyakwe Kilusi, umwene waku Pesya. Yawe, Leza wa kwiyulu, watampela amaka akuteeka impanga yonsi. Watanena ukumukuulila Ng'anda ikulu uku Yelusalemu mu mpanga yakwe Yuda.

Ezila 5:11

“Lelo yene yatwaswike iyati, ‘Sweswe aomvi yakwe Leza wi yulu ni nsi, nupya tukukuula cipya cipya Ng'anda ikulu yakwe Leza ino yakuuzilwe uku mpiti mu myaka yapita, ino mwene mukulu uwamu Izlaeli wakuuzile nu kuimalila.

Neemiya 1:4

Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Neemiya 2:4

Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Yobo 1:9

Lelo Satana aasuka Yawe ati, “Ee kwene. Uzye lelo tungati pataya cimwi icalenga kuti aye vivyo?

Masamu 136:26

Taizini Leza wa mwiyulu, pano luse lwakwe ulwa pe na pee.

Kufuma 1:15

Lyene umwene waku Eguputo anena Syifula na Puwa, yanakambuza yaili yano yazwilizyanga anaci Ayebulai pa kuisapula ati,

Kufuma 2:13

Uwanda walondelela Mose aswilila ku cifulo icili conga kwene, nga alola aonsi yaili Ayebulai yakulemanila. Alino Mose auzya wino uwasonsile muze ati, “Uzye pacani cino ukuma Muyebulai muzo?”

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Milimo 27:23

Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Filipi 3:5

Nemo nasilamwilwe lino nali na manda cinani (8) akuvyalwa, nupya nafuma mu luko lwa Izlaeli mu mutundu wakwe Benjamini. Mukuvyalwa, nene Muyebulai. Wa Mufaliseo, nemo nayelanga Masunde yakwe Mose ndi vino yaya. Lom 11:1

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.