Yona 1:5 - Amazwi Yakwe Leza 2013

⁵ Yonsi ali pa lwendo umu combo yuvwile intete nga cila muntu apepa kuli leza wakwe. Lyene yasumbila iviya muli yemba kuti icombo cangupale. Lelo walanga Yona wataingila mu muputule wa pansi mu combo, mumo muno waile alambalala nga akasula utulo.

Yona 1:5 ပူးပေါင်းရင်းမြစ်များ

1 Yamwene 18:26

Nayo ali pakutoola cipambasi wenga pali yano yalesile, nga iyateyanya na vyonsi ivyalondekwanga. Iyatandika nu kupepa Baali ukufika ni lanzi umutwe pakasi. Lyene yakuuta kuli Baali, yati, “Baali we, sitwasuke!” Yakasema yalya ale yakucina, yakuzinguluka kavuwa kano yakuuzile. Lelo Baali nawe ukwaula ukwasuka. Kutali uwakuti ayaasuke.

Yobo 2:4

Alino Satana aasuka ati, “Umuntu ali nu kupeela vyonsi vino wakwata pakuti aikale nu umi.

Masamu 107:25

Nga wapeela ilamulo, umuza iukatuka, iukatusya na maimbi pali yemba.

Masamu 148:8

mwe nkuwa ni mvula yamawe, mwe cuma na mwe kungwi, na mwe cipunga mwe muno mukayela ilamulo lyakwe.

Kasambilizya 3:6

Kwaya insita ya kuzana ni nsita ya kuponzya, kwaya insita ya kusunga ni nsita ya kusumba.

Ezaya 45:20

Yawe wavwanga wati, “Mukongane pali pamwi muye ponga. Izini kuno mwemuno mwapuswike lino imiteekele ya mpanga zinu yononike. Ndanji kuno ukwi tengo! Imbutuma antu yano yakatandazya utuluwi twao twa vimuti, yayo akapepa tuleza ututanga yapususya.

Yelemiya 2:28

Tuleza tuno wapanzile we mweneco tuli kwi? Leka tukatuke, tulole ndi cakuti tungakutuula umu nsita ya ntazi zyako, pano kwene tuleza twako, we Yuda, awe cumi twavulisya. Caya sile icili conga ni misumba yako pamwi nu tuvuwa twakwe Baali. Kwati sile imiseo yamu Yelusalemu.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Yona 1:14

Lyene yapepa kuli Yawe, yati, “Iye we Yawe, twapapata utaleka tufwe pamulandu wakukoma umuntu wi. Utaleka tuye amulandu pa kukoma umuntu wi uwakaele, pasi pano we Yawe watucita icakukuzanzya.”

Yona 1:16

Apa kulola vii alendo yalya yoopa Yawe, nga yapela impolelwa kuli Yawe nu kulapa imilapo kunoli iyakumutumikila.

Yona 1:6

Ciinda wa combo aya kunoli, nga amunena ati, “Uzye ungakasula uli? Katuka upepe kuli leza wako! Limwi amatusumbako amano kuti lyene tutaundwa.”

Mateo 25:5

Siwinga nawe alengela ukwiza, nga yonsi kwene yasipula, yasuka yakasula.

Mateo 26:43

Lyene lino wawela ku alondezi nupya kwene azana yakaswile, pano manso yao ala yati yanyoma nu tulo.

Mateo 26:45

Lyene awela ku alondezi, ayanena ati, “Uzye mucili mukaswile nu kupuza? Lolini! Kasita kati kafika nu Mwana wa Muntu akupelwa mu makasa yakwe yakaifya.

Milimo 27:38

Pacisila lino umuntu wensi walya wikuta, yangupazya uwato pa kusumbila ingano zyonsi muli yemba.

Yakapingula 16:19

Delila amulyombeleka mpaka amulalikizya pa mpamba zyakwe, nga aama umonsi umwi uwakuti aize amupele vimukule vivi cinimbali ku mutwe wakwe, alino lyene yamutonsye. Avino amaka yafumile munoli nga

1 Samueli 24:3

Lyene Saulo aiza kwi cele ilyali pipi ni vitata vya mfwele ivyali lwamu mbali ya museo, nga aingila mwenemo kuti aye ukunzi. Davidi na antu yakwe yali mukasikasi ki cele kwene li.