Yobo 9:5 - Amazwi Yakwe Leza 2013

⁵ Leza umweneco akatenula imyamba, ukwaula ukuti iyeneco imanye nu kumanya. Akaipenola ndi cakuti wasoka.

Yobo 9:5 ပူးပေါင်းရင်းမြစ်များ

Yobo 26:6

Impanga ya afwe yaya apa swe lwakwe Leza, ni lovyo nalyo kwene lyaya pambiliwili.

Yobo 28:9

“Antu yene yakatukula amawe nu kuyatamola. Yakatukula imyamba nu kuitenula kumwi na masinte.

Yobo 34:25

Apa mulandu wakuti wamanya mpiti ivicitwa vyao, akayasumba pansi usiku. Apano ayalopwela, antu iyayalyatola.

Yobo 40:11

Ale lyene soka tuvwe, lolekesya antu ya vilumba uyatonsye.

Yobo 41:11

Uzye aweni angiza ailizyanye pali nene, pano ivintu vyonsi pano pansi ivyakwane.

Masamu 114:6

Namwe mwe myamba, icani cino mwatolokelanga wakwe yasuuku, namwe kwene mwe milundu, cino mwatolokelanga wa twana twa mfwele?

Masamu 46:2

Ali cino fwandi, insi nanti ingatengana, swemo tutangetoope, nanti sile imyamba ingakunkulukila umu maziya yakwe yemba,

Masamu 68:8

impanga yatensile ni yulu nalyo lyatelengine, apa cinso cako kwene we Leza, we kateeka waku Sinai. Apa cinso cako kwene we Leza wakwe Izlaeli.

Ezaya 40:12

Uzye aweni wino watala wapima amanzi yamuli yemba api kufi lyakwe, nanti ukupima iyulu ku cizanza cakwe? Uzye kwatala kuloleka umuntu wakuti atoole ivu umu lupe longa, ilya pano nsi nanti ukupima imyamba ni milundu apa cipimilo?

Naumi 1:5

Imyamba ikatenkana pa manso yakwe, nu tulundu nato tukasunguluka. Insi ikasunkana lino Yawe waloleka, kuli kuti insi yonsi kumwi na antu aikala mwenemo yazakaza.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Habakuku 3:10

Lino imyamba yakulola, itandika kuzakaza. Amanzi yapongoloka ukufuma ukwiyulu. Na maimbi yakatuka papela wakwe cimwi.

Habakuku 3:6

Wene ndi wimilila, insi yonsi ikatenkana. Ndi walolekesya, insi yonsi izakaza. Imyamba yape ikasunguluka ni milundu yamuyayaya nayo ikalokotela pansi. Ikwene ili milundu ino twapitangamo.

Zakaliya 4:7

“Nanti pace paye intazi uli, nemo ndalenga ukuti ukacimvye. Awewe ulankuulila cipya cipya Ng'anda yane ikulu, awewe nupya ulika ni iwe ilyapa nsonsi, lilyo na antu yalapunda yati, ‘Eya, kalukuwala! Kalukuwala!’ ”

Mateo 21:21

Yesu nawe aasuka ati, “Cumi namunena vino ndi mukweti utailo, ndi musyakutwisika, mulacita na cino nati ncita ku musamvu. Mulanena nu mwamba kwene uu, muti, ‘Katuka uisumbe muli yemba,’ nga cilacitika vivyo kwene.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Luka 21:11

Kulaya vilundumusi vikulu, vipowe, nga ni mpungo konsi konsi. Kulaya vintu vyakoofya nga ni vilangililo kufuma kwiyulu.

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 6:14

Ni yulu nalyo lifumiwa wa kukupikwa kwa lupapulo, nga ni myamba pamwi ni vilila vyonsi vyafumiwe pa vifulo vyaviko.