Yobo 9:24 - Amazwi Yakwe Leza 2013

²⁴ Lino Leza wafumbatika insi umu makasa ya antu aipe, wene akavimba yakapingula ya milandu apa manso. Ndi cakuti asi aliwe uwacita vivyo, uzye lyene tumati aweni?

Yobo 9:24 ပူးပေါင်းရင်းမြစ်များ

2 Samueli 15:30

Lelo Davidi atwalilila ukutumbela Mwamba wa Miolivi, ala akulila lino akuya. Ku mutwe wakwe ala kwati kuvimbwa lelo ku ngazo atazwite cimwi. Antu yonsi ali nawe nayo kwene iyavimba ku mitwe yao, ala yakulila lino yakupita.

2 Samueli 19:4

Umwene avimba pa manso nga alila akuuta ati, “Owe, we mwanane! We mwanane Abusalomu! Abusalomu, we mwanane!”

Esita 6:12

Alino Modekai aswilila uku mpongolo ya mwene. Hamani wene zuwazuwa aya ukwakwe, ala watavimba apa manso pamulandu wa nsonyi.

Esita 7:8

Lino umwene akuwela azana Hamani watalambalala apa katala apatambalile Esita, apakuti amupapate. Walanga umwene walola vivyo, apunda nu kupunda ati, “Owe mwe, kalanda kasikolo! Uzye lyene umuntu wi akasi kulema namwene apa maka umwi sano lyane kwene?” Atatala wita ni zwi, antu iyavimbilikizya Hamani ni cisalu apa manso.

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yobo 12:17

Aliwe akavulunganya na mano ya ntunguluzi zya antu nu kulenga yakapingula yao amano yayapele.

Yobo 16:11

Leza watampela mu makasa ya antu yankota, nu kumfumbatika mu minwe ya antu aipe.

Yobo 19:7

Nkati ndi nailizyanya nu kupunda inti, ‘Mayo, silolini vino nemo nacula!’ Lelo pasiya nanti aumwi uwakungasuka. Nanti limwi nga nati tukavwangilwe, pasiya nanta umwi uwakuti atuputwile umulandu.

Yobo 22:8

Waomvizye amaka yako akuzunguka, apakupoka impanga yonsi pano yapelela. Pamulandu wakuitemwa kwako acino wemo wikalilila mwenemo.

Yobo 24:12

Umu musumba, unguvwa kuno antu yakung'onta nu kupumbuka. Limwi unguvwa na kuno antu yano yatiyalasa yakuteta. Nupya kusi nanti umwi angasakamala, nu kuyuvwila uluse lino yakumupapata.

Yobo 24:25

Uzye umwi angakana ukuti avino cikaya? Aweni angansinila ukuti nkuvwanga ivyantumpu?”

Yobo 32:2

Lyene ali vino umuntu wenga wene pasi pakusoka. Izina lyakwe, a Eliu umwana umonsi wakwe Balakelo umwina Buzi, uwamu luko lwakwe Lamu. Wasokile Yobo apamulandu wakuti wene waiweni ukulungika ukuluta pali Leza.

Masamu 17:14

We Yawe, ntuule uku antu yayo yano umu umi wao wa muno nsi yakwata vino yakalonda vyonsi. Yapini ucuzi wacipezya mano, uno wayateyanyizizya nu ku izikulu yao kwene!

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Yelemiya 14:4

Imisili yatiyumalala nu kulangoka pamulandu wakuti imvula kusi umu mpanga. Alimi nayo uku mwenzo kwatikufita nga yatiyavimba ni nsalu apa manso.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”