Yobo 9:10 - Amazwi Yakwe Leza 2013

¹⁰ Tungaposiwa ukuvwa ukulu wa vintu vino Leza wacita. Ivipezya amano vino wacita, tutangakumamo uku vipenda.

Yobo 9:10 ပူးပေါင်းရင်းမြစ်များ

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yobo 37:5

Icumi cumi Leza akayazungusya pali vino akacita, nupya ivyakutupezya amano.

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

Masamu 136:4

Leza wenga mpo aliwe akacita ivyakuzunguka, pano luse lwakwe ulwa pe na pee.

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Masamu 71:15

Nemo namatakolanga usuma wako nu kuvwanga umusanya onsi apa mipususizye yako, nanti angala nemo nafika sana penepo apakumanya kuno yalola.

Masamu 72:18

Mwalumbanya Yawe, Leza wakwe Izlaeli, kacita wa vintu vyonsi vii ivyakuzunguka wenga sile!

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kasambilizya 3:11

Wene wika akasita kayane pa cintu consi. Watupeela ukulonda ukumanya ivintu iviliza, lelo atatupela ukumanya kumalilike ukwakumanyikisya vino wene akacita.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.