Yobo 8:9 - Amazwi Yakwe Leza 2013

⁹ Umazana ukuti swe ana yao tutange tukume nako. Umi witu pano nsi ukapita sile wa cinzingwa.

Yobo 8:9 ပူးပေါင်းရင်းမြစ်များ

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

2 Milandu 10:6

Nawe umwene Leoboamu asyala auzya aikolo yano yapandanga umwene Solomoni amano ati, “Uzye antu yaa, ince injaasuke uli?”

Yobo 14:1

“Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.

Yobo 14:2

Waya wi luwa ilikasapatuka nu kuonza, nga liwela linyala nu kuuma. Waya wa cinzingwa, icisiikalila pano cili.

Yobo 32:7

Ali vino nalinelenganya umu mwenzo wane nati akombe kayatale yavwange. Akoloci kayatale yasambilizye ivya mano.

Yobo 7:6

Amanda yakusimula ukuluta navino icipikwilo cansalu cikapita. Yakupita ulwilo ukwaula nanti ukumpeela upaalilo.

Yobo 8:10

Kwene leka sile ivikolwe vyampiti vikusambilizye pali cico. Wemo kutikila sile, uuvwe vino vikukusunda.

Masamu 102:11

Amanda yane yaile yakusila wa cinzingwa, nkufoota sile wi sote.

Masamu 102:12

Lelo kwene we Yawe, awewe ukateeka pee, ni nkulo zyonsi zilakwiusya.

Masamu 144:4

Umuntu akoline sile nu mupu, nga na manda yakwe icili conga sile ni cinzingwa icikapita.

Masamu 39:5

Ala wemo wipimpanzya insita ya umi wane, uwakwikala pano nsi! Kuli wewe umi wane ukaloleka sile uwa ciwelewele. Nu mucumi umuntu wensi waya sile wa mupu,

Masamu 82:5

Yene imbutuma nupya atumpe! Imiyele yao itazifile nanti panono, nu ulungami cili kwati watiufuma muno nsi.

Masamu 90:4

Pano imyaka izimbi lyonga, kuli wewe yaya wa wanda onga sile, kwati uwanda wa mutundo uwapisile, kwati insita yonga iya usiku.