Yobo 8:3 - Amazwi Yakwe Leza 2013

³ Uzye Leza angakana uli ukucita ivilungame? Uzye Leza Wamaka yonsi angayonganika ivilungame?

Yobo 8:3 ပူးပေါင်းရင်းမြစ်များ

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yobo 19:6

Lelo kwene mwikale mucimanyile ukuti, Leza aliwe sile wanjilikizya. Ali wino wampombelekezya umwi sumbo lyakwe.

Yobo 19:7

Nkati ndi nailizyanya nu kupunda inti, ‘Mayo, silolini vino nemo nacula!’ Lelo pasiya nanti aumwi uwakungasuka. Nanti limwi nga nati tukavwangilwe, pasiya nanta umwi uwakuti atuputwile umulandu.

Yobo 21:15

Uzye Leza Wamaka yonsi aweni uwakuti twamutumikila? Uzye tungatumbulamo cani umu kupepa kunoli?’

Yobo 21:20

Si lekini umuntu mwipe ailolele ukononwa kwakwe, nu kuyuvwila ukali wakwe Leza Wamaka yonsi.

Yobo 34:5

Yobo umweneco watavwanga ukuti umulungame, lelo Leza wakana ukuti ampingwile nu ulungami.

Yobo 35:13

Endi, Leza asiuvwa ku kupapata kwao ukwasilesile. Uwamaka yonsi asisumbako amano awe.’

Yobo 36:23

Aweni angamulangilila ivyakucita? Aweni angapama nu kumunena ukuti cico waluvwanya?

Yobo 36:3

Amano yonsi nemo yaya avunguluke, namanya ivyakuvwangila kaumba wane pano wene akalungika.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yobo 4:17

Uzye umwinakufwa angacita vyaololoke apa manso yakwe Leza? Nanti uwakaele apa manso yakwe kaumba wakwe?

Yobo 40:2

“Uzye ukulonda ukuti uwampazya nene ne Leza Wamaka yonsi vwile? Uzye watukwata ivya kunjasuka ne Leza nanti foo?”

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Yobo 9:2

“Ica cumi, umuntu nacacendi, angaya uli uwakaele lino akupingwilwa umulandu kuli Leza?

Masamu 89:14

Uololoke nu ulungi wako ali mufula wa wene wako. Ukalanga ukutemwa nu ufumacumi wako muli vyonsi vino ukacita.

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Ezekelo 18:25

“Lelo mwemo mukavwanga muti, ‘Ivikacita Yawe awe vitalolamo.’ Uvwini kuno mwe, mwe ina lzlaeli. Fwandi mwemo mukati musango uno nemo nkacitilamo ivintu utalolamo. Ala awe, imisango inu ali ino italolamo.

Ezekelo 33:17

“Nga nupya aina Izlaeli yauzo yakavwanga ukuti, ‘Vino nemo ne Yawe nkacita, vitalolamo!’ Ala mwine yame imisango sile yao aino itafikapo.

Ezekelo 33:20

Alino, lyene mwemo mwe ina Izlaeli, mukulanda muti, ‘Vino nemo ne Yawe nkacita vitalolamo, vwile? Ala nkumunena mwemo mwensi ndamupingwila wenga wenga ukulingana ndi vino mukacita.’ ”

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”