Yobo 6:14 - Amazwi Yakwe Leza 2013

¹⁴ “Ala lino indi mu ucuzi wakwe uu, nkutaila ukukwata ivyuza vyampomvu, cisi cimwi nanti indi ni misuuli kuli Leza Wamaka yonsi nanti foo.

Yobo 6:14 ပူးပေါင်းရင်းမြစ်များ

Utandiko 20:11

Abulaamu aasuka ati, “Mu mano yane natiile kuno kutangaya umuntu akaopa Leza, nga nu kuti yangankoma yatole nu muci wane.

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Yobo 15:4

Kwene wemo watuluvyanya! Wonona icoopo cakucindika Leza.

Yobo 16:5

Lelo ningalanda amazwi akumukomelezya, suka sile na pano amati yanguma umu mulomo wane.

Yobo 19:21

Si mungala mundole luse luse, mwe yacuza yane! Ala ivizanza vyakwe Leza vyativintitila.

Mapinda 17:17

Cuza, umukundwe insita ili yonsi. Uwina nao uwacani fwandi ndi cakuti asi wakuculila pamwi?

Mapinda 25:19

Ukupaalila mu muntu atatailwa, kwaya wi lino ilipe nanti ulwazo lulemale.

Zakaliya 7:9

“Yawe Wamaka yonsi wavwanga wati, ‘Putulini imilandu nu ulungami wa cumi. Nupya cila wenga aye nu luse na mizu ku muntu muze.

Luka 23:40

Lelo icipondo cuze cimukalipila citi, “Uzye wemo usyaopa Leza? Pasi pano nawe kwene uli mu uvunuko uli onga uwakufwa?

Loma 12:15

Muzange pamwi na yao akuzanga, losyini pamwi na yao akulosya.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

2 Kolinto 11:29

Lino umwi ali nu utonte, nani kwene nkaya nao. Lino yamwi yaponela mu kwifya, nani nkauvwa ulanda.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.