Yobo 5:23 - Amazwi Yakwe Leza 2013

²³ Amawe ni visiki vitalaya umu vyalo vino ulalima. Inyama zya mpanga nazyo zitalakuzanza.

Yobo 5:23 ပူးပေါင်းရင်းမြစ်များ

Ezaya 65:25

Imimbulu nu mwana wa mfwele vilaalila pamwi, cisama nawe alaalya insaawa wa ng'ombe. Inzoka zitalakwata intazi uku muntu, zilaalya ulukungu. Apa mwamba wa Zioni, umwamba wane wamuzilo, patalacitika nanti cimwi iciipe, nanti caononyi.”

Ezekelo 34:25

Ndapangana nazyo upangano cakuti zikasininkizyeko ukuti zilaikala umu longo. Ndafumyamo ivilyanyi mu mpanga yao, yalikala umutende mu lwanga nu kulala yalalala umu mitengo kwene, ni ntazi kutalaya.

Ezekelo 34:27

Imiti yamu mpanga ilaseeka iviseekwa vyakweo, nu musili ulamezya ivyakulya vyakweo, yalikala umutende mu mpanga yao. Lyene alino yalama ukuti nene indi Yawe, lino ndaputula insinga zya makoli yao, nu kuyakulula mu makasa yakwe yao ayateeka uzya.

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Aina Levi 26:6

“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.