Yobo 5:20 - Amazwi Yakwe Leza 2013

²⁰ Umu manda ya cipowe alakutulanya kuti utafwa ni nzala, nga nu mu manda ya nkondo namo alakucingilila ku mfwa.

Yobo 5:20 ပူးပေါင်းရင်းမြစ်များ

Utandiko 45:7

Leza uwandesile inkolelo inu kuti nkatuule mwemwe umu nzila ya cizungusyo nga nakuti mwemwe na amu mupanda winu yapusuke.

1 Yamwene 17:6

Yamwankole iyamuletela umukate ni nyama akatondo na manguzi, nga amwa amanzi mu luzi kwene lulo.

Masamu 118:18

Nanti angala Yawe watazile wamvunuka, lelo atalesile kuti imfwe foo.

Masamu 144:10

Awewe ukalenga ukuti yamwene yacimvye, nu kukulula umomvi wako Davidi.

Masamu 27:3

Nanti sile iumba lya vita lyankatukila, nemo ntange nuvwe ni ntete. Nanti sile anisi yane yanzanza, nemo indataila sile muli Leza.

Masamu 33:19

Wene akayatuula ku mfwa, nu kuyasunga ningo umu nsita ya cipowe.

Masamu 37:19

Umu nsita ya ntazi yataluvwa insonyi nu mu nsita ya cipowe namo yalaikuta.

Masamu 49:7

Ala mwine umuntu angaposiwa ukuituula umwenzo wenga. Wene atange alole nanti cimwi icakupeela Leza apakuitulanya.

Mapinda 10:3

Yawe atalazumilizya antu akamoopa kuti yazewana uku nzala, lelo ivilondwa vya muntu mwipe vyene asivifima kunoli.

Ezaya 33:16

Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”

Yelemiya 37:21

Alino lyene umwene Zedekiya apeela ilamulo ilyakuti Yelemiya asungwe umu musolo wakwe yakalinda. Nupya cila wanda yamupeelanga icakulya, cila wanda umukate upuma, ukufuma uku museo wakwe yakapanga ya mikate, suka sile umukate umu musumba wasila. Fwandi avino Yelemiya watenzi umu musolo wakwe yakalinda.

Yelemiya 39:18

Endi, wemo ndakupususya, nga utalakomwa ku lupanga. Lelo ulapususya umi wako pano wantaila, Ivyalanda ne Yawe.’ ”

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Habakuku 3:17

Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.

Mateo 24:6

Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.