Yobo 5:15 - Amazwi Yakwe Leza 2013

¹⁵ Lelo Leza wene angapususya umulanda ku mfwa. Akapususya nu mupina umu minwe ya nkakasi.

Yobo 5:15 ပူးပေါင်းရင်းမြစ်များ

Yobo 29:17

Uwaluvyanya wene namutamanga umu nzekete, mpaka aswa navino avwasile. Fwandi natulanyanga yano yafyengwa.

Yobo 34:28

Apa mulandu wakuti yapatikizye alanda ukupunda, kuli Leza, nawe fwandi ali pakuvwa ukulaizya kwao, nu kuyaasuka wayaasuka.

Yobo 34:30

Ali cino fwandi Leza akalungamika imitundu na antu, nu kupususya umuntu mwipe, uku viteyo vya ulanda.”

Yobo 36:15

Lelo Leza akapususya yao akucula uku ucuzi wao. Wene akalanda kunoyali umu ntazi zyao. Akaleka kuti yacule, apakuti umu kucula kwao amuno yapule amalango.

Yobo 36:6

Asilonda yakaifya yatwalilile ukuya nu umi, lelo antu asulwe akayataasya.

Yobo 38:15

Uluswepo lwa katondo lukazyatika antu aipe, nu kuyalesya ukucita ivingaleta amazanzo.

Yobo 4:10

Icilulumo ciipe, ni vilululumo vyakwe yacisama, Leza alavimyalalika nu kusokola amino yao.

Yobo 4:11

Yacisama yatakweti cakuti yaleme nu kulya, nu twana twakwe cisama uwakaci twatitusalangana.

Yobo 5:21

Leza alakutulanya ku antu ya lwambo, nupya utalaya ni ntete lyonsi lino azanzi yaliza.

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 10:17

We Yawe, uluvwa amapepo yakwe yao aicefya. Nawe ulayakomelezya.

Masamu 107:41

Alanda yene ayafumya umu ulanda wao, asandulula ni nko zyao kwati amaufyo ya viteekwa.

Masamu 109:31

Yawe akavwangila umupina, nu kumupususya kuli yao akamupingwila ukufwa.

Masamu 140:12

Namanya ukuti Umwene alapeela akafyengwa insambu, nu lungi uku alanda.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Masamu 72:4

Ungaleka kuti acita ulungi apakupingwila alanda avwa kweneko na apina nu kucimvya yayo akayacuzya!

Yelemiya 39:11

Nebukadineza umwene waku Babiloni walanga wapeela amalamulo yaa kuli Nebuzaladani, umukalamba wakwe yakalinda ya mwene, akumile Yelemiya, ati,

Danieli 1:9

Lyene Leza alenga kuti cilolo wilya asakamale Danieli nu kumuvwila uluse.