Yobo 42:8 - Amazwi Yakwe Leza 2013

⁸ Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Yobo 42:8 ပူးပေါင်းရင်းမြစ်များ

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

1 Milandu 15:26

Lyene antu yayo yafyula yacipambasi cinimbali na yasuku cinimbali, kuti yapeele impolelwa kuli Leza apakuti aazwilizye aina Levi yano yanyemwile nu kusenda Mbokosi ya Upangano yakwe Yawe.

2 Milandu 29:21

Yasenda na yacipambasi cinimbali, na tusuuku cinimbali na yasawe cinimbali kuti yapeele uwila wakwelela amaifyo, uwa akazi ka mwene, nu wa Ng'anda ikulu yakwe Yawe nu wa antu amu Yuda. Umwene apeela ilamulo kuli yasimapepo, amu mupanda wakwe Aloni, kuti yapeele vii vyonsi apa kavuwa kakwe Yawe.

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Yobo 1:8

Nupya Yawe auzya Satana ati, “Uzye utali walola ivyaya umuntu wane Yobo? Uzye kwene muno nsi mungaya umuntu wino yangalingana nawe umu kucita ivyaololoke? Wene wankwatila umucinzi ni coopo, nupya wene akafuntuka ku kucita akantu akali konsi akaipe.”

Yobo 22:30

Leza akatuula umuntu uwakaele, ali cino ali nu kukutuula ndi cakuti nawe kwene usi nu mulandu.”

Yobo 35:8

Antu yauze, ali yano ukwifya kwako kukacuzya ni visuma vino ukacita, vikaazwa sile aina kufwa.

Yobo 42:9

Fwandi ali vino Elifazi umwina Temani, Bilidadi umwina Syuwa na Zofali umwina Naamati, yaile yacita ndi muno Yawe wayaneniile. Fwandi Yawe nawe ali pakupokelela ipepo lyakwe Yobo.

Masamu 103:10

Apa kutuvunuka napo asituvunuka ukulingana navino cingaya umu kulondelela ukwifya nanti ukuluvyanya kwitu.

Kufuma 18:12

Lyene Yetulo aleta uwila wakoca nga na mawila yauze akupeela impolela kuli Leza. Nga Aaloni ni ntunguluzi zya ina Izlaeli zipita nawe pa manso yakwe Leza, ku kulya cimulo pamwi na Yetulo sivyala wakwe Mose.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Yelemiya 14:11

Lyene Yawe anena nupya ati, “Utakezye ukumpapata kuti nazwilizye antu yaa.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

Ezekelo 45:23

Cila wanda apa manda cinimbali auzevyo, ali nu kufyula cila wanda yacipambasi cinimbali, yasuuku nayo cinimbali ivyaula ulema, wa mpolelwa yakocela Yawe, nga na sawe pakwelelwa kwa maifyo.

Mpendwa 23:1

Alino Balamu anena Balaki ati, “Unkuulile tuvuwa cinimbali, nga unteyanyizizye ni ng'ombe, yacipambasi cinimbali alino na yasuuku cinimbali.”

Mpendwa 23:14

Acino amusenda ku calo caku Zofimu pa Mwamba wa Pisiga papela. Ali kuno akuula nu tuvuwa cinimbali nga apeela impolelwa zyakoca, cipambasi wenga nga na suuku wenga pali cila kavuwa.

Mpendwa 23:29

Balamu anena Balaki ati, “Nkuulile kuno utuvuwa cinimbali. Alino unteyanyizizye na yacipambasi ya ng'ombe nayo cinimbali. Na yasuuku nayo yaye cinimbali.”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

2 Timoti 4:14

Alekizanda kasula wa vyela wancitile viipe mu misango ingi. Mwene alamulambula kulingana na vino wacita.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Yakobo 5:14

Uzye kuli umwi uwatalwala? Wene alinzile kwama aikolo yi uvi, nao yalamupepela nu kumupaka amafuta mwi zina lya Mwene.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

1 Yoane 5:16

Ndi walola umunyonko akwifya, iifyo lino lisyatungulula ku mfwa, ulinzile kupepa kuli Leza, wino alamupeela umi. Cii cikumile yao yano maifyo yao yasyatungulula ku mfwa. Lelo kwaya iifyo lino likatungulula ku mfwa, nga nani nsyakuti mulinzile kupepa kuli Leza pi iifyo lilyo.

1 Yoane 5:6

Wii ali wino wizile na manzi nu wazi, a Yesu Klistu kwene, nga atizile na manzi yatupu sile, lelo wizile na manzi nu wazi. Mupasi Wamuzilo umwisikulu akupeela umboni uwakuti cii icacumi, pano wene ali cumi.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.

1 Samueli 25:35

Lyene Davidi pali pakupokelela ivintu vino Abigelo wamuletile, nga amunena ati, “Pita ulumi ukwako. Natinuvwa amazwi yonsi yano watuvwanga, nupya namakucitila vino ukulonda.”