Yobo 42:6 - Amazwi Yakwe Leza 2013

⁶ Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Yobo 42:6 ပူးပေါင်းရင်းမြစ်များ

Utandiko 18:27

Nupya Abulaamu avwanga ati, “Napapata unjelele pa kuuzya kunuli nu kupama. Nemo nene muntu silesile kunuli, nupya ntakweti nsambu yakulanda.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Yobo 30:19

Watamvumvunya umu matipa, lyene nkuloleka wa lukungu ni twi.

Yobo 42:5

Mpiti nakumanyile ukupitila muli vino nuvwanga kuli yauze. Ilelo lyene, awe nakulola na manso yane ntontonto!

Yobo 42:7

Walanga Yawe wamala ukunena Yobo amazwi yaa, alino anena Elifazi umwina Temani ati, “Nemo natinkusokela wakwe cimwi, pamwi na auzo yoili, apamulandu wa kukanalanda ivyacumi pali nene, ndi muno umuomvi wane Yobo wavwangile.

Yobo 9:31

Pasi pano wewe we Leza ungantuwizya muli polowe uwa usali, icakuti ni vyakuzwala vyane vinunke na nuu.

Masamu 51:17

Ali cino fwandi nemo impolelwa yane, ukulapila kwa mu mwenzo, usisula umwenzo uwakutontelela mu kuzenzuka.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Ezaya 58:5

Lino mukuta ukulya, mukaicuzya sile mwe eneco, mukakontamika imitwe inu kwati amusanze wino watakunga ulumi, nu kulala pa visakati nu mwitwi, uzye mwemo mukuti ali kuta ukulya? Uzye uli wanda uno Yawe angatemwa, vwile?

Yelemiya 31:19

Nakusangukila, lelo lyene natinzenzuka. Nintezya, nkuyuma na pa cifuwa. Ni nsonyi zyandema nu kuzewana, muzewanya wa wance uli pali nene.’

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Danieli 9:3

Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.

Aina Levi 13:12

Ndi cakuti indwala yalimba inkanda umwili onsi, ukufuma ku mutwe kufika nu kutukando,

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Luka 10:13

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange ikale pansi, yazwale masaaka, nu kuiswela itwi kuti yalange vino yati yazenzuka.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.