Yobo 42:3 - Amazwi Yakwe Leza 2013

³ Wemo wanguzya ningo uti, ‘Uzye weweni wemuno ukwezya ukuvulunganya umpandamano wane, apamulandu wakulanda amazwi akuzaila sile?’ Cumi kwene nalanda apa vintu vino nemo naposiwa ukwiluka. Nalanda na pa vintu vyakuzunguka vino vyampezya na mano, vino ningaposiwa ukumanya.

Yobo 42:3 ပူးပေါင်းရင်းမြစ်များ

Yobo 11:7

“Uzye kwene we Yobo ungapikulula uwile wakwe Leza? Uzye kwene papo pano upezile wewe ungamanya ningo pano amano yakwe Leza Wamaka yonsi yapeela?

Yobo 11:9

Cipimo ca maka yakwe caluta insi yonsi uku ukulu. Amano yakwe Leza yaluta kumwi na yemba kwene ukukula.

Yobo 13:1

Yobo atwalilila ukwasuka ati, “Vivyo vyonsi nani kwene nailolela ntontonto na manso yane, nu kuyuvwila na matwi yane. Nga nu kwiluka, niluka mpiti.

Yobo 38:2

“Uzye wewe weni, wemuno ukuuzikisya nu kuvulunganya vino napingula? Ala mwine Yobo, ukuzaila sile!

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

Masamu 131:1

We Yawe, umwenzo wane usi itutumula foo, na manso yane nayo yasilola apatumpuke. Insizangila umu vintu vyalulumbi nanti ivyakuzunguka.

Masamu 139:6

Amano yako pali nene, akuzunguka nupya nkaposiwa ukutezya, yakulisya intange nkumemo.

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.