Yobo 42:16 - Amazwi Yakwe Leza 2013

¹⁶ Apacisila cakweziwa, Yobo watenzi pano nsi ukulingana imyaka umwanda onga na makumi yani. Waweni ana yakwe, aizikulu, ukufika nu kuvizikulula vyakwe.

Yobo 42:16 ပူးပေါင်းရင်းမြစ်များ

Utandiko 11:32

Tela wafwilile ku Halani lino waya ni myaka imyanda iili na isano.

Utandiko 25:7

Abulaamu watenzi imyaka umwanda onga na makumi cinimbali na isano.

Utandiko 35:28

Isaki wali ni myaka umwanda na makumi cinani.

Utandiko 47:28

Yakobo aikala mu Eguputo imyaka ikumi lyonga na cinimbali, mpaka akwata ni myaka umwanda onga na makumi yani na cinimbali.

Utandiko 50:23

Yosefu wali mumi kufika nalino ana yakwe Efulemu yali na ana yano ali vizikulula kunoli. Nupya mu ng'anda yakwe apokelela vizikulula navyuze muli Makili, umwana umonsi wakwe Manase.

Utandiko 50:26

Caleka Yosefu wafwile ala ali ni myaka umwanda onga ni ikumi. Lyene iyapaka cala cakwe amafuta akulesya kuola, nga yaciika mu mbokosi mu Eguputo.

Yobo 42:15

Umu nsi yonsi kutali ana ayembe wa ana yakwe Yobo. Isi nawe ali pakupeela ivyuma ku ana yayo na kuli yakalume yao, pakuti vikaye ivyaupyanyi vyao.

Yobo 42:17

Yobo ali pakufwa, umukote uwa myaka nyanya.

Masamu 128:6

Yaa nu umi utantalile kuti uce ukalole vizikulula vyako. Mutende uye kunuli we Izlaeli.

Masamu 90:10

Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Mapinda 17:6

Icilongwe ca yakote, ana ya ana yao. Ucindami wa ana, aisi.

Malango 34:7

Mose wali ni myaka umwanda onga na makumi yaili lino wafwile, ala lilyo acili na maka, nu kulola ala acili akulola ningo.

Yoswa 24:29

Lino ivintu vii vyonsi vyapita, Yoswa umwana umonsi wakwe Nuni, nupya umuomvi wakwe Yawe, afwa ala ali ni myaka umwanda onga ni kumi.