Yobo 42:12 - Amazwi Yakwe Leza 2013

¹² Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Yobo 42:12 ပူးပေါင်းရင်းမြစ်များ

Utandiko 24:35

Yawe wapolelela umusambazi wane cuze, nga wene wataya umukama. Wamupeela imfwele ni ng'ombe, siluva na zaabu, aomvi aonsi na anaci, nga na yapunda ni ngamila kwene.

Utandiko 32:14

Mbuzi misesi imyanda iili na yasawe amakumi yaili, imfwele misesi imyanda iili na yasuuku amakumi yaili.

Yobo 1:10

Uzye asi wewe kwene ukamucingilila pamwi ni vyuma vyakwe vyonsi? Ukapolelela icili consi cino akacita. Icalenga ni viteekwa vyakwe visanduluke mu mpanga yonsi.

Yobo 1:2

Wene wakweti ana aonsi cinimbali na ana anaci yatatu.

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

Yobo 8:7

Ivyuma vyako vyonsi vino vyononike, vitalatala vilingane navino ulakwata uku nkolelo.

Masamu 107:38

Ayapolelela iyavyala na ana avule, nu kuteeka amaufyo ya viteekwa aula ukucepelako.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Kasambilizya 7:8

Impelelekezyo ya cintu yazipa ukuluta utandiko wakweco Ukuteeka umwenzo kwaluta ukuya ni cilumba.

Ezekelo 36:11

Nemo ndavuzya antu, ndavuzya ni viteekwa kwene. Mulavulilako ukuluta vino mwali mpiti, nupya mulakwata na ana avule. Ndaleka muce mwaikala ndi vino mwikalanga mpiti, nupya ndaleka mukaye ni cituku vino citatazile ciye kuno muli apa mpiti. Lyene ali lino mulamanya ukuti nene indi Yawe.

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.