Yobo 40:23 - Amazwi Yakwe Leza 2013

²³ Nanti watuwila pansi pansi apa luzi, awe wene asisakamikwa, nanti sile amanzi amu Yodani yapongolokela panoli, awe wene asioopa.

Yobo 40:23 ပူးပေါင်းရင်းမြစ်များ

Utandiko 13:10

Caleka Loti acelecensya monsi azana ukuti cifoloma consi ca Luzi lwa Yodani, na konsi ukufuma ku Zoali kwali amanzi aingi wamu calo ca Edeni cino Yawe wapanzile, nanti wamu mpanga ya Eguputo (cii cali lino Yawe atali aonone imisumba ya Sodoma na Gomola).

Yobo 40:22

Akauwa umu visao vya mpupunga zya mpunga, lwamu matimba apipi ni nguzi.

Yobo 40:24

Aweni angatala amuleme ukwi swelo? Nanti aweni angamuteya akolokovye umwando umu mpuno?”

Masamu 55:8

Ningapapuka umupelapela, inje kumwi ukwakuwila apakupusuka uku cimuza ciipe ni cipunga.”

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 37:25

Wemo ukuyuvwa uti wimba ni vilambe nu kumwa amanzi afuma umu mpanga zyuze. Waleka nu kuti ingazo zya vita vyako zyakamya amanzi yakwe Nailo, muno yakulyatola mwenemo.

Yoswa 3:15

Lyene Luzi lwa Yodani lukasambela monsi mu nsita yonsi iya uzombozi, nga lelo zuwazuwa lino yasimapepo asenzile Mbokosi ya Upangano yafika ku Yodani nga ni ngazo zyao zyakumya amanzi mu mbali,