Yobo 4:8 - Amazwi Yakwe Leza 2013

⁸ Nemo vino nalola aevi: Yao akalima inkota nu kukomela imbezu ziipe, ali yano yakazombola uyi.

Yobo 4:8 ပူးပေါင်းရင်းမြစ်များ

Yobo 15:31

Ataezya ukuisomba ukuti angatalimpa. Uo ufi uwafita fititi! Ukulokota sile, kusi kupuuka nanti ukulemba nupya.

Yobo 15:35

Antu aipe yakaelenganya sile ukusangukila auze nu kucita iviipe. Imyenzo yao yazula uyi utupu, ufi nu ucenjezi.”

Mapinda 1:31

Ale fwandi mulalya vino mwazombwile mweisikulu umu misango inu nu kwikuta amapange inu mweisikulu.

Mapinda 22:8

Katovya wa lufyengo, akasinza isyamo. Intuwa ya cipyu cakwe ilamupola aliwe kwene.

Ezaya 17:11

Lelo ivintu vino mungatemwamo ilelo nanti angala vingalemuka, nu kutuuta iluwa umu katondo, awe nce mutange mulole nanti acimwi icakuzombola. Uzombozi wa mwenemo ungamuletela sile ucuzi ni ntazi itangasila foo.

Yelemiya 4:18

“Endi, mwe ina Yuda amwemwe mwailetelela sile mwenga uku mikalile inu. Uyi winu auno wamuletelela uku macuzi yaa. Lyene mwatimucekama sile pamulandu nu kucula, ni myenzo inu nayo pasi paukali.

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

2 Kolinto 9:6

Mwiusye ukuti muntu wino akata imbezu zinono sile, wene alazombola vinono. Na wino akata imbezu zingi wene alazombola vingi.