Yobo 4:4 - Amazwi Yakwe Leza 2013

⁴ Uku mazwi yako wemo watungililanga intalanganyi, nu kukomya inteo zya maulu azakazanga.

Yobo 4:4 ပူးပေါင်းရင်းမြစ်များ

Yobo 29:11

Umuntu ali wensi uwandolanga nanti ukunguvwa, walandanga ivisuma pali nene, napali vino nacita.

Yobo 29:25

Wa mwene wao, nayatungululanga inzila isuma ino nayasolwela. Nayatwalanga konsi sile kuno natemwa, wakwe vino intunguluzi ikacita uku vita vyakweyo. Nali wakwe kamyalalika wakwe yakalosya.”

Yobo 4:3

Apa mpiti wewe wasambilizye antu avule, wakomelizye na yayo atembokele mu makasa.

Yobo 4:5

Lelo apa kuzana ukuti intazi zyakwizila, wemo waposiwa ukuzizimizya, watovoka nu kutovoka.

Masamu 145:14

Wene akaazwilizya yayo yonsi ali umu ntazi nga nu kukatusya yonsi yao apona.

Mapinda 12:18

Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.

Mapinda 25:11

Amazwi alondoloke yakolana ni viseekwa viyengese vyakwe zaabu, ivili pa mbale yakwe siluva.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Danieli 5:6

Alino wene afinya pa manso nupya intete zimulema wakwe cimwi cakuti atandika kuzakaza umu nteo.

2 Kolinto 2:7

Lelo nanti angala muntu wifya, mulinzile kumwelela nga nu kumukomelezya, kuti mutaleka auvwe ulanda nga nu kunenuka.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

Ayebulai 12:12

Acino mukomye makasa inu atonte nupya mutaleka makokola inu yazakaza!