Yobo 39:6 - Amazwi Yakwe Leza 2013

⁶ Nene, ne Leza, anene naleka ukuti aikala umu lwanga, nu kumupeela impanga yavisyolwe kuti iye iyakwe.

Yobo 39:6 ပူးပေါင်းရင်းမြစ်များ

Yobo 24:5

Alino kwene yakalenga nu kuti alanda yasapika umu mapoli umukulonda ivyakulya, ungati aya punda ya mpanga, apakuti sile yalisye ana yao.

Yobo 39:7

Fwandi ali cino wene wasoka icongo camu misumba. Kutaya uwakuti amutonsye nu kuti amuomvya ukukusenda iviya.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Yelemiya 14:6

Yapunda ya mpanga nayo yaimi apa twamba ala yakwasela sile wakwe yankusa. Yene yatiyafonka nu mu manso pamulandu wakuulilwa vyakulya.”

Yelemiya 17:6

Wene wakolana sile ni cipupa camu lwanga, atangalola ulongo lino lukwiza. Wene alikala umu ncende iyumalale, umu ncende ya cicelecele isiikalwamo. Kusi nanti cimwi cisuma icikatala cimucitikila.

Yelemiya 2:24

Icili conga sile na punda wa kaci wino akutandala mu lwanga, umu kuzumba impuno ukuli uwa kalume. Lino watapamviwa kusi wino angamutonsya, amulesye. Uwa kalume wensi wino akumulonda wene atange acule foo.

Ezekelo 47:11

Lelo amanzi yamu nyika nu muvilambe yatalaya amanzi asuma. Yalasyala amanzi amusilya.

Oseya 8:9

Pano yene yutukila uku Asilya ungati imfwalasi zyamu mpanga izikululumba zyonga. Aluko lwakwe Efulemu yalipila antu amu nko zyuze kuti yayazwilizya.

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.