Yobo 39:5 - Amazwi Yakwe Leza 2013

⁵ “Aweni uwalenga ukuti colwa aipitila umwisikulu? Aweni uwamusapwile nu kuleka aipitila umu mpanga?

Yobo 39:5 ပူးပေါင်းရင်းမြစ်များ

Utandiko 16:12

Lola umwana wako alaikala wakwe colwa. Alakatukila umuntu ali wensi, na antu yonsi yalamukatukila. Wene atalauvwana na kazi kakwe.”

Utandiko 49:14

“Isakali wene ali wakwe punda wamaka punda wino akalambalala ainyunza ala ali ni visendo pi tundu lyakwe.

Yobo 11:12

Ndi cakuti colwa angavyala umwana umufumaluke, ale lyene tungati ni ciwelewele kwene cingakwata amano yampomvu.

Yobo 24:5

Alino kwene yakalenga nu kuti alanda yasapika umu mapoli umukulonda ivyakulya, ungati aya punda ya mpanga, apakuti sile yalisye ana yao.

Yobo 39:10

Uzye ungatola umwando nu kunyepa imbo umu nsingo, apakuti ikulimile icalo ningo?

Yobo 39:4

Utwana ndi twala twakulilila sile, nu kukoma twakoma, ala twasya yanyina, kusi nu kuswilila kunoyali.

Yobo 6:5

Uzye colwa akalila lino akulya isote? Nanti uzye ing'ombe isiikala cele lilyo lino ikulya umulemvwe?

Masamu 104:11

Inyama zya mpanga ali muno zikamwa, na yacoolwa nayo ali muno yakaputwila ulusala.

Ezaya 32:14

Nu kwisano kwene kutalaya umuntu wino alaikalako, nanti sile mu musumba onsi mutalasyala nanti wenga uwa cingila. Imisumba yonsi iya malinga kumwi ni mpungu pano yakatokowala pa kuisopa, vilasyala ivitalang'anda sile. Yacoolwa ali yano yalaazeuluka mwenemo, ali muno ni mfwele zilaalila mwenemo umulemvwe.

Yelemiya 14:6

Yapunda ya mpanga nayo yaimi apa twamba ala yakwasela sile wakwe yankusa. Yene yatiyafonka nu mu manso pamulandu wakuulilwa vyakulya.”

Yelemiya 2:24

Icili conga sile na punda wa kaci wino akutandala mu lwanga, umu kuzumba impuno ukuli uwa kalume. Lino watapamviwa kusi wino angamutonsya, amulesye. Uwa kalume wensi wino akumulonda wene atange acule foo.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Oseya 8:9

Pano yene yutukila uku Asilya ungati imfwalasi zyamu mpanga izikululumba zyonga. Aluko lwakwe Efulemu yalipila antu amu nko zyuze kuti yayazwilizya.