Yobo 38:6 - Amazwi Yakwe Leza 2013

⁶ Aepi pano incesi zya nsi zyasimpwa? Aweni uwisile iwe lyakufikilizya apa kuitungilila?

Yobo 38:6 ပူးပေါင်းရင်းမြစ်များ

Yobo 26:7

Leza wanza iyulu umu lwelele, ilya kwikasa lilunji. Waning'inya impanga umu lwelele.

Masamu 104:5

Wasimpisya insi ndi, isi yakutelengana foo.

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Masamu 144:12

Ana itu yakalume kayale yakula sile wa miti, ukutandikila sile uku wance wao. Nana itu yakaci nayo kayale yaye sile wa ncesi izya kulutwe lwa viwazwa vya kwi sano.

Masamu 24:2

Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Mapinda 8:29

na lino wene wisile yanande yakwe yemba umwakuti amanzi yapelela, nemo apano nali. Lino watungilile insi nu lucesi, nemo apano nali.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

2 Petulo 3:5

Yene yakavwanga cii ku mufulo pano yakalonda kwilila ukuti ku mpiti Leza wapile ilamulo, nga mayulu ni nsi vyaumvilwe. Insi yacisilwe kufuma ku manzi nupya yaumvilwe ku manzi.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.