Yobo 37:7 - Amazwi Yakwe Leza 2013

⁷ Pakuti antu yonsi yano waumba atulange vino akucita, wene akaimika imilimo itu.

Yobo 37:7 ပူးပေါင်းရင်းမြစ်များ

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Yobo 36:24

Wemo ule wiusye sile ukwika amano mukulumbanya imilimo yakwe Leza ndi vino antu yakalumbanya umu nyimbo.

Yobo 5:12

Aliwe akapangulula amapange ya antu yamano, pakuti vino yakasi ukucita vitakwata uyo.

Yobo 9:7

Leza angapeela ilamulo kwi lanzi kuti litatunka, nu kuvimba apa ntanda kuti zitawala.

Masamu 109:27

Leka anisi yane yamanye ukuti awewe sile ukampususya.

Masamu 111:2

Iye mwe, ivicitwa vyakwe Yawe nu ukulu! Yonsi yano vikazanzya yakalonda lyonsi ukuviiluka.

Masamu 46:8

Izini, mwize muilolele vino Yawe wacita! Izini mulole ivyakuzunguka vino wacita pano nsi!

Masamu 64:9

Ali lino lyene nanti yonsi yalaoopa, yalalanda na pa vintu vino Leza wacita, nu kwelenganya apa micitile yakwe.

Masamu 92:4

Pano ivicitwa vyako ivya lulumbi, nupya pasi pakukuzanzya we Yawe. Apamulandu kwene wa vintu vino wemo ukacita, icaleka nemo namaimbilanga nu luzango.

Kasambilizya 8:17

Lelo utange uvwikisye vino Leza akacita. Nanti ungezya na maka yonsi, utange uzane. Antu yamano yakaitunga ukumanya, lelo mucumi yatamanya.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 5:12

Musitala imusumba na mano ku kucita ivikalonda Yawe. Lelo mukasumba amano ku viila nu kulizya ivyakulizyalizya.