Yobo 32:19 - Amazwi Yakwe Leza 2013

¹⁹ Munda yane mukutopota wa vipolwe vya wengwa, vivyo ivikulonda apakufotomokela. Muli wa nkolo ya wengwa ikulonda ukulepuka.

Yobo 32:19 ပူးပေါင်းရင်းမြစ်များ

Yobo 32:18

Ivyakuvwanga ninkwata ivivule. Nu kupamviwa, natimpamviwa ukuti ningaviswa.

Yobo 32:20

Fwandi apakuti inde mfute, suka natala navwanga.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Mateo 9:17

Nanti uzye antu yangitulwila waini mupya mu nyambi zyampiti? Ndi yacita vivyo, nyambi zingalepuka, na waini angitika, nga ni nyambi zyononeke. Lelo waini mupya alinzile kwitulwilwa mu nyambi zipya, kuti inyambi na waini vitononeka.”