Yobo 30:16 - Amazwi Yakwe Leza 2013

¹⁶ “Kwene lyene indi umupipi ni mfwa. Amanda ya ulanda yati yanzana.

Yobo 30:16 ပူးပေါင်းရင်းမြစ်များ

Yobo 3:24

Pasi pano nemo nkulosya mucifulo ca kulya, nu kunyunguluka kwane kukapongoloka wa manzi.

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Masamu 40:12

Amalanda avule wakwe cimwi yatiyamvulila, Uyi wane uwati ulenga vyonsi vii. Lyene natinsuka intela mwenemo nu kulolekesya. Uyi wane watiuvula ukuluta ni nyele zyaku mutwe wane, cati cimputula nu musana.

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Nyimbo zya ndosya 2:12

Yene yakulilila yanyina pamulandu wa nzala nu lusala. Nga panono panono yene yakuongokela mu misolo ya musumba kwati ayano yatiyasyala impondo. Ni myenzo yao ikumalilika panono panono lino yene yapakatilwe na yanyina.

1 Samueli 1:15

Hana nawe amwaasuka ati, “Awe, musambazi! Nemo nene mwanaci umwi ali nu ulanda wakwe cimwi. Ntamwile uwengwa nanti umwi nanti sile icili consi icikakola. Nemo nali nkulondolwela sile Yawe ivintu ivili mu mwenzo wane.