Yobo 3:5 - Amazwi Yakwe Leza 2013

⁵ Si mfinzi ile ipoke uwanda ulya, nupya wandatilwe ni cinzingwa, na kungwi nawe auvimbe. Si akanda kale kapoke uluswepo lwauko.

Yobo 3:5 ပူးပေါင်းရင်းမြစ်များ

Yobo 16:16

Nalila mpaka ni cinso cane ciyenzulukila, na manso yane yasuka yavimba, nga na pa manso pafita fititi.

Yobo 24:17

Yonsi yao, yakautuka uluswepo lwa kasanya. Alino imfizi yene yataikwatila intete foo.

Yobo 28:3

Apa kumala imfinzi antu yakakozya inkozyo. Alino iyimba sana iviwina ivizike, apakuti yazane amawe alala pansi apafitisye.

Yobo 3:4

Uwanda kwene ulya kausanguke akanda. Si Leza ukupela atezya awiusya, nu luswepo lutakaloleke pa wanda kwene uo.

Yobo 3:6

Uwanda kwene uwo ukolane wa mfinzi ikome. Su wanda kwene uwo utakolana na manda ya mwaka, nupya utapendelwa pamwi na manda ya myezi.

Yobo 34:22

Kutaya ukwafisama, nanti ukwazika, kuno kacita wa viipe angafisama.

Yobo 38:17

Uzye kwatala kwaya umwi angatulanga impongolo zya mfwa? Nanti uzye watala walola yakalinda ya mpongolo itifi, kuno kwikala imfwa?

Masamu 107:10

Yamwi yikalanga umu mfinzi umu kanda nu mu cinzingwa ca mfwa, ala yatiyanyepwa umu minyololo,

Masamu 107:14

Nga nawe wayakulwile uku ucuzi wao. Wayafumizye umu mfinzi nu mu cinzingwa ca mfwa. Nupya waputwile ni minyololo yao.

Masamu 23:4

Nanti ningapita umu mukonko umufitisye, awe cumi ntange noope iciipe icili consi, pano we Yawe uli nane. Insonzo ni ntuwa yako vikancingilila.

Masamu 44:19

Lelo wemo watutusumba sile, twatitwikala umu mapoli umwikala ivilyanyi. Watusumba umu kanda umufitisye wakwe cimwi.

Ezaya 9:2

Antu akapita umu mfinzi yatiyalola uluswepo ulukulu lwa ufyusi. Na pali yano akaikala mu wikalo wa cinzingwa ca mfwa, kunoyali kwiza luswepo kwati kumacaca.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Ezekelo 30:3

Pano uwanda watiupalama, uwanda wakwe Yawe watiupalama. Ulaya uwanda wa cifutika, uwanda wakupezya imitundu.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Malango 4:11

“Muce mwanena ana inu vino mwaile imwimilila umwisika lya mwamba uno wavimbilikiziwe na makumbi ya cunsi icafisizye na fititi. Alino ni cimbilimbili ca moto icalunkumanga ukufika nu mwiyulu.

Ayebulai 12:18

Ku mwamba wa Sinai, uno uwakanga moto nupya uno mungakumya, akuno aina Izlaeli izile. Lelo mwemo mutiza kweneko, ukuli mfinzi, kufitulukila ni cipupu,