Yobo 3:21 - Amazwi Yakwe Leza 2013

²¹ Yene yakakumbwa imfwa ino itange iyafikile, nupya yakalondesya ukufwa ukucila vino yangalonda icuma icafiswa?

Yobo 3:21 ပူးပေါင်းရင်းမြစ်များ

1 Yamwene 19:4

Lelo Eliya umwisikulu apita pa ulendo wa wanda onga mu lwanga. Asuka afika umu cimuti ca yunipa, nga aikala pansi mu cisao. Alino apepa kuti afwe, ati, “Owe! Yawe, ala cacilamo sile! Awe cumi ni mfwa yazipa! Uzye nene nacila pa vikolwe vyane?”

Yobo 11:20

Nga lelo antu akacita inkota yalati ndi yacelecensya, yatalalola ukwa kuutukila. Yalalolela sile ukupumbuka nu kufwa.”

Yobo 3:22

Yene yakakungumala sile mpaka lino yafwa nu kuzikwa.

Yobo 6:8

“Owe mwe! Ndi cakuti cikayela, si Leza kale ampeele vino nkulenga umu wanda wilelo.

Yobo 6:9

Nemo nkuti kale Leza ansyunole sile. Angala atoole ikasa lyakwe ale amalile cile cisile sile!

Yobo 7:15

cakuti ningakumbwa ukumalilika ku tulo nu kufwa, ukuluta ukucula wakwe vii mu mwili uu.

Mapinda 2:4

Uwavilondelela kuno vili kwati a siluva nanti icuma cimwi cino yafisa.

Kasambilizya 4:2

Nkakumbwa yayo afwa, yano yatusya mpiti. Yene yazipapo ukuluta yayo acili nu umi.

Yelemiya 8:3

Alino asyala yano yalapusuka ku luko kwene lulo ulwipe yalatemwa imfwa kuluta ukuya nu umi, ukuli konsi kuno ndayazingila. Vii ivyalanda Yawe Wamaka Yonsi.”

Yona 4:3

Lyene, we Yawe, nkukulenga sileka mfwe. Canzipila ukufwa ukuluta kuti nje nu umi.”

Yona 4:8

Lyene lino ilanzi lyatunka, Leza akatusya umuza ukaye ukufuma ku ufumondaka, nga ilanzi nalyo ilyoca Yona apa mutwe cakuti afwa icipafi. Yona alonda nu kufwa, nga avwanga ati, “Canzipila ukufwa kuluta ukuya nu umi.”

Mpendwa 11:15

Ndi cakuti ali vino ukulonda uncitile, awe lyene cazipa sile nu kunkoma. Uncitila uluse, ngano utanzunyizye nupya.”

Umbwilo 9:6

Mu myezi iya isano antu yalalonda imfwa, lelo imfwa italaloleka. Yalalonda ukufwa, lelo imfwa ilutuka kufuma kunoyali.