Yobo 3:13 - Amazwi Yakwe Leza 2013

¹³ Vyonsi vivyo vikana kucitika, ngano vii nkupuza. Ngano nindala utulo ninkasula.

Yobo 3:13 ပူးပေါင်းရင်းမြစ်များ

Yobo 10:21

lino ntacili inje kuno yasiwela, ku mpanga ya mfinzi iya cinzingwa ca mfwa,

Yobo 10:22

uku mpanga ya kanda akakome, uku cisao cikulu nga ni cimvundawila, kuko kuno nu luswepo kwene lwakolana ni mfinzi.”

Yobo 14:20

Ukamala umuntu amaka mpaka asila nu kusila, pa manso ipasuluka nu kumusumba umusumba ukutali.

Yobo 16:22

Pano kwene ndi nati kandole imyaka ya umi wane, yasyala sile iyakupenda. Nasya ndondele inzila iyakuya kuno yasiwela.

Yobo 17:13

Kwene nemo cino nkulolela sile, ukwikala uku mpanga ya afwe. Nanti ukwanzika icitala cane umu kanda.

Yobo 19:25

Ukuya kwene namanya ukuti kavwangila wane acikweti umi. Namanya ukuti aliwe aliza amvwangile.

Yobo 19:27

Nemwisikulu ndamulola na manso yane, asi muntu muze awe. Ndamulola na manso yane yakwene. Nu mwenzo wane onsi ukuluukisya uwanda ulya. Ukuya kwene umwenzo wane ukucula, apamulandu na mazwi yano mwe antu mukunena ukuti,

Yobo 21:13

Awe cumi pasi pa usuma, yaikalila ni syuko. Nu kuya yakaya uku mpanga ya afwe nu longo, ukwaula ukucululuka.

Yobo 21:23

Antu yamwi yakafwa nu ucindami wao, iyafwa nu luzango ala uku matwi kuli cele.

Yobo 21:26

Lelo nanti cingaya vivyo imfwa yene ili yonga sile, nu kuzikwa yonsi yakazikwa icili conga umu musili. Ni ngonyo iziyalya yonsi kwene.

Yobo 24:19

Vivi kwene vino amanzi yakauma, apamulandu wa cikaililwa ni cilala, ali vino antu aipe yakaongoloka ukufuma muno nsi.

Yobo 24:20

Nupya kutange kuye nanti yamwi akuti yayiusye. Na yanyina kwene yakayilila kumwi. Yakaononeka ndi vino umuti ukaponelwa ni nkuwa, ukaononeka.

Yobo 26:5

“Ala mwine imiyeye ino ikazanwa uku mpanga ya afwe ikakankamala sile. Amanzi nayo kwene yakazakaza kumwi ni vya muluzi kwene.

Yobo 26:6

Impanga ya afwe yaya apa swe lwakwe Leza, ni lovyo nalyo kwene lyaya pambiliwili.

Yobo 3:12

Uzye pacani cino mayo wamfukatile? Uzye pacani mayo wangonsizye?

Yobo 34:22

Kutaya ukwafisama, nanti ukwazika, kuno kacita wa viipe angafisama.

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Ezekelo 32:27

Uzye yene yatalambalile na asilika yauze atasilamulwa yano yafwa, yano aya ku mpanga ya afwe kumwi ni vyanzo vyao vya ulwi? Amalupanga yao yaisile apisika lya mitwe yao, nga ni visyangu vyao yavimbilikizye imili yao, pano ingofyo zya vita kwene vivi alanga zyapona monsi mu mpanga ya antu apuma.