Yobo 3:11 - Amazwi Yakwe Leza 2013

¹¹ “Owe mwe! Uzye pacani cino ntafwilile lino nkuvyalwa, nanti pacisila cakufuma mu ndilwa inte ukufuta?

Yobo 3:11 ပူးပေါင်းရင်းမြစ်များ

Yobo 3:10

Uwanda uwo kautipwe pano ali lino nafumile mu ndilwa yakwe mayo, nupya ali lino wandanzile intazi.

Yobo 3:12

Uzye pacani cino mayo wamfukatile? Uzye pacani mayo wangonsizye?

Masamu 58:8

Leka yaye wa nyonga ikasya itelende muno ipisile. Leka yaye sile wa kapopo akasilola luswepo.

Masamu 71:6

Nemo awewe kwene nasinta mwenemo umwenzo wane ukutandikila sile pano nikalila pano nsi. Wewe ukampokolola kweneko ukutandikila sile pano navyalilwe. Nemo awewe namalumbanyanga pee na pee!

Kasambilizya 4:2

Nkakumbwa yayo afwa, yano yatusya mpiti. Yene yazipapo ukuluta yayo acili nu umi.

Kasambilizya 4:3

Lelo yayo atatala yavyalwa, yano yatatala yalola ulufyengo ulukucitika mu nsi yonsi ii, yene yasyuka ukuluta antu apuma na afwe kwene.

Kasambilizya 6:3

Umuntu angavyala ana umwanda onga nga nu kwikala amanda avule. Lelo ndi atakusansamuka nupya atazisilwe mu mucinzi, lyene nemo ningavwanga ukuti akanya akavyalwa akafwe kazipa ukuluta umuntu wiyo.

Kasambilizya 6:5

Akanya kaa kasitala kalola uluswepo nanti ukumanya vino umi waya. Kene kakazana upuzo ukuluta umuntu wilya umukama,

Ezaya 46:3

“Munguvwe, mwe ang'anda yakwe Yakobo, mwensi mwemuno mwasyala amu ng'anda yakwe Izlaeli. Anene nkamusunga ukutandika sile nu kukuvyalwa kwinu.

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Yelemiya 20:17

Pasi pano wene atankomile lino nali umu ndilwa yakwe mayo, nga indilwa yakwe mayo yange iye ilindi lyane.

Oseya 9:14

Uzye icani we Yawe cino namakulenga ukucitila antu yaa? Si leka aci yao yaye ing'umba, Muleke yaposiwa nu konsya ana yao.”