Yobo 27:2 - Amazwi Yakwe Leza 2013

² “Nemo nalapa nati, ‘Leza umwiyulu wiyo Wamaka yonsi, wene uwakana ukunjelela nu kuleka umi wane usasile.

Yobo 27:2 ပူးပေါင်းရင်းမြစ်များ

2 Samueli 2:27

Yoabu aasuka ati, “Nalaya umwi zina lyakwe Leza wa umi ukuti kwene ukana sile ukulanda vino walanda, antu yane yange yatwalilile ukumuzinganya, mpaka sile akatondo.”

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

1 Yamwene 18:15

Eliya nawe amwaasuka ati, “Icumi cumi inkulapa kuli Yawe Wamaka yonsi, wino nkatumikila, ukuti ilelo namaya nkalolekele kuli Aabu.”

2 Yamwene 4:27

Lino wafika ku mwamba ulya kuli kasema Elisya, umwanaci wilya akontama nga alema ingazo zyakwe Elisya. Geazi nawe aiza kuti amukanke. Lelo Elisya amulesya ati, “Si mute aalali! Uzye utaweni ukuti wene ali mu ulanda ukulu sana? Yawe atacili anene cimwi pali cii.”

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yobo 16:11

Leza watampela mu makasa ya antu yankota, nu kumfumbatika mu minwe ya antu aipe.

Yobo 19:6

Lelo kwene mwikale mucimanyile ukuti, Leza aliwe sile wanjilikizya. Ali wino wampombelekezya umwi sumbo lyakwe.

Yobo 23:16

A Leza kwene, uwataleka kuti umwenzo wane utovoke. Leza Wamaka yonsi watandetela ni ntete.

Yobo 34:5

Yobo umweneco watavwanga ukuti umulungame, lelo Leza wakana ukuti ampingwile nu ulungami.

Yobo 35:2

“Uzye icisuma kuti wemo uvwange ukuti wewe mulungame nu kuti wewe wakaele kuli Leza?

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Yobo 9:17

Pasi pano wene akampamola na mawe ya mvula, nu kunkwavulula ukwaula umulandu.

Yobo 9:18

Asimpela na kasita akakuti impemwile, lyonsi sile umu umi wane akandundila ukucululuka.

Ezaya 40:27

Ale lyene fwandi mwe ina Izlaeli icani cino mukuilizyanyizizya imuti, “Imisango itu itamanyika kuli Yawe, ni nsambu zitu zyatazyelwa kunoli?”

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Mpendwa 14:21

Nga lelo nkulaya ukuti vino ndi nu umi nga nu ucindami wane wazula insi yonsi,

Luti 3:13

Walutenzi kuno nu usiku kwene, nga akatondo umuntu wiyo ndi akasi angiza azumile ku kuzifya, ale cazipa. Lelo kwene ndi cakuti wiza wakana, nemo nalapa mwi zina lyakwe Yawe ukuti nene kwene indi nu kucita cico. Acino wemo lala sile ukufika akatondo.”

1 Samueli 14:39

Nupya nkulaya nu mulapo pa manso yakwe Yawe, wino akatuula aina Izlaeli, ukuti umuntu uwataifya ali nu kukomwa, nanti angala angaya umwanane Yonatani.” Lelo kusi umwi pa antu yalya uwavwanzile cimwi.

1 Samueli 14:45

Lelo antu iyanena Saulo iyati, “Uzye Yonatani ali nu kufwa, Yonatani uwatalenga na kuti Izlaeli akululwe apakalamba? Cipelele ukutali! Twalapa umwi zina lyakwe Yawe waumi ukuti ulunyele nanti longa ku mutwe wakwe lusikupona pansi, pano wene waliwacita cii ilelo umu wazwilizyo wakwe Leza.” Fwandi vili vino antu yapuswisye Yonatani, nu kumukoma yatamukomile foo.

1 Samueli 20:21

Lyene ndatuma umulumendo imunene inti, ‘Pita ukalonde inceto.’ Ndi namunena nati, ‘Lola, inceto zili lwaku mbali ii iyakwako. Zilete kuno,’ lyene wemo ulinzile ukwiza, pamulandu wakuti nkulapa mwi zina lyakwe Yawe ukuti wemo utalaya mu uzanzo.

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.

1 Samueli 25:34

Pasi pano inkulapa umwi zina lyakwe Yawe, Leza waumi, uwa ina Izlaeli, wino uwandesyanya ukukucitila iciipe. Iciya cakuti ukana ukwiza nkomenkanya zuwazuwa, akatondo ngano kutasiile umuntu nanti wenga umonsi uwamu ng'anda yakwe Nabali uwange apusuke!”