Yobo 26:8 - Amazwi Yakwe Leza 2013

⁸ Wika amanzi avule umu makumbi. Wasunga amanzi yayo anyome cakuti yatange yituluke pamulandu wa kunyoma kuno yakwata.

Yobo 26:8 ပူးပေါင်းရင်းမြစ်များ

Yobo 36:29

Kutaya nanti wenga uwamanya vino Leza akasansata amakumbi, nanti vino ukupangalansya kukacitika umwiyulu muno Leza wikala.

Yobo 38:37

Uzye aweni uwakwata amano akukolonganika amakumbi, nanti ukuyasulika apakuti imvula iyafomfomoka,

Yobo 38:9

Ala anene natoozile kungwi nu kumuvimbilikizya pali yemba. Alino ndeka na makumbi atifi iyaya penepo.

Masamu 135:7

Akaleta amakumbi ukufuma uku mpela yonsi, alenga ni nkuwa ukupangalansya, nga aleta ni cimuza ukufuma umu nkoma zyakwe.

Masamu 147:8

Aliwe akavimba iyulu na makumbi, aliwe akapeela insi imvula, nu kumezya umulemvwe umu myamba.

Mapinda 30:4

Uzye aweni uwatala wakwela ukwiyulu, alino nupya awelako? Uzye aweni uwatala wafumbatapo umuza? Uzye aweni uwatala wanyepa amanzi umu nsalu yakwe? Uzye aweni uwatesile impela ya nsi? Uzye wiyo, Izina lyakwe aweni, nupya amwana weni? Acino londolola ndu manyile!

Mapinda 8:28

lino wisile amakumbi umu lwelele, na lino wafondwile utufukoka twamuli yemba,

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Yelemiya 10:13

Lino wene wapeela ilamulo, amanzi nayo yacita cilulumo kwiyulu. Wene akasensensya amakumbi ukufuma ku mpela ya nsi. Akamyantula inkuwa mu mvula, nu kutuma umuza ukufuma umu nkoma zyakwe.