Yobo 26:7 - Amazwi Yakwe Leza 2013

⁷ Leza wanza iyulu umu lwelele, ilya kwikasa lilunji. Waning'inya impanga umu lwelele.

Yobo 26:7 ပူးပေါင်းရင်းမြစ်များ

Yobo 38:6

Aepi pano incesi zya nsi zyasimpwa? Aweni uwisile iwe lyakufikilizya apa kuitungilila?

Yobo 9:8

A Leza sile wenga mpo uwanzike iyulu, nu kulyatilila pa maimbi akalamba apali yemba.

Masamu 24:2

Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

Masamu 89:12

Wapanzile intunga yaku katutu upanga ni yaku kayeya. Mwamba wa Tabo nu wa Helimoni vikakuumilila utupundu ni nsansa.

Masamu 89:13

Wewe wakwata amaka yonsi. Ikasa lyako lyakoma wakwe cimwi, ikasa lyako ililunji lyatumpuka.

Ezaya 40:21

Uzye fwandi mwemo mutamanya? Uzye yatamunena kweneko? Uzye fwandi ukufuma sile nu ku katalili yatamunena kweneko? Uzye fwandi mutatezya vino insi yasimfilwe umufula?

Ezaya 40:22

Insi yaumvilwe kuli wiyo wino wikala pa cilimba cakwe ica wene, cico icayela apapela ya nsi, nu kusungamila antu pano nsi wa vikwe. Awino wavungulula ulwelele wa nsalu, kwati itaalu umwakuti antu yaikalamo.

Ezaya 40:26

Tumpulini amanso mucelecensye! Aweni wino wapanzile intanda zino mukulola? Ala awiyo wino wazitantamike imilongo, ungati iumpa lya vita. Ali wino wazimanya zyonsi, pano zyapela nu kuzyama akazyama amazina pano zyapela. Wakwatisya amaka icakuti pataya nanti longa luno lusyamuyela.

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,