Yobo 26:14 - Amazwi Yakwe Leza 2013

¹⁴ Vyonsi vivyo, atumwi tumwi sile apa vintu nyanya vino vikalanga amaka yakwe Leza. Tukauvwa sile tunono umu kutotoza sile. Lelo ukuuza kwa kupangalansya kwakwe aweni angakwiluka?”

Yobo 26:14 ပူးပေါင်းရင်းမြစ်များ

Yobo 36:29

Kutaya nanti wenga uwamanya vino Leza akasansata amakumbi, nanti vino ukupangalansya kukacitika umwiyulu muno Leza wikala.

Yobo 37:4

Nga alino ipalondelela penepo icilulumo cizwi lyakwe. Izwi lyakwe ilya mucinzi ilikuuza. Asiezya ukulesya ukumyantula apa nsita ino izwi lyakwe likuvwika.

Yobo 37:5

Icumi cumi Leza akayazungusya pali vino akacita, nupya ivyakutupezya amano.

Yobo 4:12

“Izwi lyasokolwike kuno ndi umu umfisolo, ngi ikutwi lyane lyuvwa ukutotoza kwaliko.

Yobo 40:9

Uzye nawe wakwata amaka wa maka yakwe Leza? Uzye izwi lyako lingapanta wizwi lyakwe Leza?

Yobo 42:5

Mpiti nakumanyile ukupitila muli vino nuvwanga kuli yauze. Ilelo lyene, awe nakulola na manso yane ntontonto!

Masamu 139:6

Amano yako pali nene, akuzunguka nupya nkaposiwa ukutezya, yakulisya intange nkumemo.

Masamu 145:3

Yawe wene umukulu nupya uwakulumbanya wakwe cimwi, ukulu wakwe kusi angautezya.

Masamu 29:3

Izwi lyakwe Yawe likuvwika pali yayemba. Leza wa lulumbi, umucindami akupangalansya, Yawe akuuvwika wa kupanta kwa mvula pali yemba mukulu.

Kasambilizya 11:5

Vino umupasi ukaingila mu mwana mu ndilwa yakwe nyina na mwe antu kwaula ukumanya, avino mutange mumanye vino Leza waumvile ivintu vyonsi.

Habakuku 3:4

Wene akaiza kunotuli nu kumyansya kwa nkuwa. Uluswepo lwakwe lukayengesa ilufuma mu makasa yakwe, kuko ukwazula amaka yakwe afisame.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

1 Samueli 2:10

Anisi yakwe Yawe yalaloviwa lilyo lino alayafokela nu ukali wakwe, ukufuma kwiyulu ungati ukupangalansya. Yawe aliwe alapingula antu yonsi. Wene alapeela amaka ku mwene nu kulenga kuti wino wasolola aye kacimvya.”