Yobo 24:20 - Amazwi Yakwe Leza 2013

²⁰ Nupya kutange kuye nanti yamwi akuti yayiusye. Na yanyina kwene yakayilila kumwi. Yakaononeka ndi vino umuti ukaponelwa ni nkuwa, ukaononeka.

Yobo 24:20 ပူးပေါင်းရင်းမြစ်များ

Yobo 17:14

Alino nu kunena imbiko inti, ‘Wewe uli tata.’ Nu kunena ingonyo inti, ‘Mwemwe muli mayo, nupya mwemwe muli yakazi kane.’

Yobo 19:10

Akantimbola lyonsi lyonsi icakuti lyene nasuka nazala. Lyene wasuka watenula nacino nataile mwenemo, ungati avino umuntu angatema icipupa umwakuuwa.

Yobo 19:26

Nanti ningasila insyale amafupa yatupu, namanya ukuti lino ndakatuka wene alampalamika kunoli. Alino lyene ndalola Leza nu mwili wane kwene.

Yobo 21:26

Lelo nanti cingaya vivyo imfwa yene ili yonga sile, nu kuzikwa yonsi yakazikwa icili conga umu musili. Ni ngonyo iziyalya yonsi kwene.

Yobo 3:13

Vyonsi vivyo vikana kucitika, ngano vii nkupuza. Ngano nindala utulo ninkasula.

Masamu 34:16

Lelo wene antu yayo akacita iviipe, yene akayafutatila icakuti na antu yao nayo kwene iyasuka iyayilila.

Mapinda 10:7

Umuntu musuma auze yalamwiusya wa upolelelo, lelo umuntu mwipe alililika zuwa.

Kasambilizya 8:10

Endi, nemo nalola kuno antu ankota yakuzikwa mwi lindi. Lelo akula muli umu nzila mukufuma kwi lindi, uuvwa antu yakumulumbanya mu musumba ulya kwene muno wacitanga ivintu viipe. Cii, icasilesile.

Ezaya 26:14

Pali ndakai lyene yafwa yonsi, nupya yatalatala yayeko. Imipasi yao italatala ikatuke foo, pano awewe wayapezya nu kuyonona. Kusi nanti umwi akaiusya, awe.

Ezaya 49:15

Acino Yawe nawe wayaasuka ati, “Uzye kwene nyina angilila umwanakwe wino akoonka? Uzye wene angata ukutemwa umwanakwe wino waivyalila? Lelo kwene nanti angilila, nemo ntalatala imwilile.

Danieli 4:14

Alino alaizya ni zwi likulu ati, ‘Sinda icimuti nu kusankola imisambo yakweco. Ucipulule na mafwa nu kusansanta iviseekwa vyakweco. Zinga inyama zino zikuuwa mwenemo kumwi ni vyunyi ivili mu misambo yakweco.

Mateo 3:10

Na ndakai kwene impasa iteyanyiziwe kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.