Yobo 24:13 - Amazwi Yakwe Leza 2013

¹³ “Fwandi akuno yali antu yamwi yayo yatasakamala uluswepo, nupya nu kuutuka yakaluutuka, yasilulonda awe.

Yobo 24:13 ပူးပေါင်းရင်းမြစ်များ

1 Yamwene 3:20

Acino wene akatuka usiku pakasi, atoola umwanane apambali pano naizi, lilyo ale indi mu tulo, alino amwika na pa cifuwa cakwe pa mayele. Umwana wakwe umufwe awino aika pa cifuwa cane.

Yobo 24:12

Umu musumba, unguvwa kuno antu yakung'onta nu kupumbuka. Limwi unguvwa na kuno antu yano yatiyalasa yakuteta. Nupya kusi nanti umwi angasakamala, nu kuyuvwila uluse lino yakumupapata.

Yobo 24:14

Ulazana ukuti icipondo cene calaya katondo tondo, kuti cikakome umupina nanti umulanda. Usiku cene ala waca, ali nsita yakuya umukwiyila auze.

Yobo 24:16

Antu amusango uu yasilonda uluswepo foo. Umusanya yene yakafisama. Usiku, ala waca, iyatulula amang'anda ya antu nu kwiya mwenemo ivintu.

Yobo 38:13

Uzye watala wanena akatondo ukuti kalemelele insongo zyonsi nu kukunta mwenemo antu aipe?

Yobo 38:15

Uluswepo lwa katondo lukazyatika antu aipe, nu kuyalesya ukucita ivingaleta amazanzo.

Yobo 5:14

Nanti sile umusanya apakasi, yangatandika ukupulupunta kwati umu kanda.

Mapinda 4:19

Inzila ya antu aipe, yaya wa mfinzi usiku, yene yatange yamanye cino yakupumikako.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Yoane 15:6

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.