Yobo 24:1 - Amazwi Yakwe Leza 2013

¹ “Uzye pacani cino Leza Wamaka yonsi wakana ukuteyanya zuwa insita yakumpingwilila penepo? Uzye pacani cino yayo akacita vyaololoke yalole wanda uwakuyacitilamo ulungi?

Yobo 24:1 ပူးပေါင်းရင်းမြစ်များ

Utandiko 18:17

Lyene Yawe aelenganya ati, “Ntalinzile mfise Abulaamu cino nasya ncite.

Utandiko 7:4

Ndi papita sile amanda cinimbali indi nu kutuma imvula pansi, ilatonya mu nsi yonsi amanda makulu amakumi yani, nu konona consi ca umi cino naumvile.”

Yobo 15:20

Umuntu mwipe akaikala umi wa kucululuka amanda yakwe yonsi. Imyaka ya muntu mwipe yapendwa.

Masamu 31:15

Umi wane onsi waya umu minwe yako. Umpususye uku minwe ya anisi yane, yakwe yayo akancuzya.

Masamu 36:10

Twalilila uluse lwako kuli yao akumanya, nu ulungami wako kuli yao aswepe imyenzo.

Masamu 9:10

Antu amanya we Yawe yangala yakutaila. Akakulonda we Yawe usiyatazyela.

Kasambilizya 3:17

Alino inelenganya inti, “Leza alavunuka antu aololoke na yakaifya mu musango onga kwene, pano icintu consi ni cicitwa consi, cilacitika pa nsita yakweco.”

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 60:22

Nanti sile aka lupwa kamwi akanono, akasilesile, kalasuka kaye umutundu umwi uwamaka! Ivintu vivyo nemo ndavicita zuwazuwa insita ilingane ndi yafikila. Umucumi anene kwene ne Yawe navwanga!”

Yelemiya 46:10

“Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Obadiya 1:15

Wanda wakwe Yawe ukwiza zuwa, lilyo lino wene alapingula imitundu yonsi ya antu. Mwe ina Edomu, vino mwacitila auzo avino mulacitilwa. Vino mwacisile ivilamuwelela.

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”

Mateo 24:38

Pano mu manda yalya, lino mulamba atali aiize, antu yalyanga nu kumwa, yatwalanga nu kutwalwa, kufika na pa wanda uno Nowa wingile mu cange.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Milimo 1:7

Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

1 Tesalonika 5:1

Inane, citakulondekwa kuti mulembele pamulandu wa kasita nanti Wanda lino vii vyonsi vilacitika.

1 Timoti 4:1

Mupasi Wamuzilo akalanda paswe ukuti mu manda yampela antu yamwi yalafutatila utailo. Yene yalayela mazwi kufuma ku mipasi yantumpu, nga nu kulondela masambilizyo kufuma ku mipasi yankota.

1 Timoti 6:15

Klistu alaloleka pa nsita ino Leza wateyanya, Leza uwapolelelwa wenga sile ali kateeka. Wene Akateeka wakwe yakateeka nupya Mwene wakwe yamwene onsi.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.