Yobo 23:12 - Amazwi Yakwe Leza 2013

¹² Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Yobo 23:12 ပူးပေါင်းရင်းမြစ်များ

Yobo 15:11

Uzye manye tungati watusuula amazwi itu akukutekezya? Ali kuti watusuula nu luse lwakwe Leza luno wakukwatila.

Yobo 22:22

Wemo ule upokelele amasunde yakwe yano akakupeela, nu kuwaka amazwi yakwe amanda pe.

Yobo 23:13

“Umweneco ataya na kwaaluka, ndi watemwa ukucita icili consi aweni angamulesya? Wene akacita consi cino akasi.

Yobo 33:9

‘Nene wa mwenzo uswepe, ntacita icintu nanti cimwi iciipe. Nanti ukutala umulandu uli onsi, awe.

Yobo 6:10

Ndi imanya ukuti ali vino amacita, lyene ningalinduka ilimba ku nsansa, nanti cingaya cakuti ucuzi wane wakulisya. Manyile ukuti Leza uwamuzilo, nupya nemo nsimusangukila.

Masamu 119:103

Iye mwe vino amasambilizyo yako yalyompa, yene yalyompa ukuluta uci mu mulomo wane!

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 119:127

Ala natemwa amalamulo yako ukuluta Zaabu, ukuluta Zaabu wiya kwene umusuma cuze.

Masamu 33:11

Uteyanyo wakwe Yawe wene ulasyalilila pee. Amelenganyo yamu mwenzo wakwe, yene yalasyalilila amanda yonsi.

Mapinda 30:8

Utaleka nje uwantumpu kunuli, lelo funtusya ucenjezi onsi kunondi. Nupya utaleka nje umupina nanti umukama. Fwandi uwampelako sile icakulya icilingine,

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Luka 12:46

lyene mwene wiyo aliza pa wanda uno asikwenekela, na pa kasita kano atamanyile. Wene alamuvunuka cuze, nupya alamusumbila ukunzi ku antu atataila.

Yoane 4:32

Lelo wene ayanena ati, “Nemo nkweti cakulya cino mwemo mutamanyile.”

Yoane 4:34

Yesu nawe ayanena ati, “Cakulya cane, ukucita ukulonda kwakwe wino uwantumile, nu kumalila milimo yakwe ino wampeela kuti ncite.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.