Yobo 22:6 - Amazwi Yakwe Leza 2013

⁶ Lino anyonko yatacili yakuwezezya impa zino yaazima kunuli, wemo watalanga uyapokolola ivyakuzwala vyao, mpaka iyasyala tupu.

Yobo 22:6 ပူးပေါင်းရင်းမြစ်များ

Yobo 24:3

Yasenda yapunda ya ana asyale nu kutoola ing'ombe zyakwe yamukamfwilwa, kuti iye iyakwe kamukole.

Yobo 24:7

Usiku onsi yakulala citutu, pano yuulilwa vyakuvimbala. Yene yatakwata ivya kuyacingilila uku mpepo.

Yobo 29:12

Umulanda ali wensi uwalonda uwazwilizyo kunondi namwazwanga. Ana yansiwa atakweti ukwakuya, nayazwilizyanga.

Kufuma 22:26

Ndi watola mwingila wa muntu umwi nu kuucita icintu cakwe kamukole ukuti alakulipila, lyene ulinzile umuswilizizye lino ilanzi litali liwe,

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Ezekelo 18:16

asicuzya umuntu nanti wenga, asipoka kamukole, asipokolola vya eneco ku maka, akapeela ali ni nzala icakulya, akazwika yayo ali tupu,

Ezekelo 18:7

Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Amosi 2:8

Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Malango 24:6

“Ndi cakuti wazima umuzo icintu cimwi, utalinzile walemela penepo umwanansyo wakwe kuti ace akuwezezye icintu cico zuwa. Awe, ndi caya vivyo ale wamukoma sile.