Yobo 22:5 - Amazwi Yakwe Leza 2013

⁵ Ala awe! Asi avivyo foo! Apamulandu wakuti wemo waifya apakalamba sana. Wemo amaifyo yako yacila apa cipimo.

Yobo 22:5 ပူးပေါင်းရင်းမြစ်များ

Yobo 11:14

Ute ukucita ivyacicitecite, nupya funtusya ulufyengo munuli.

Yobo 11:6

lyene ungalola vino angakulongwela inkama zyakwe. Kwaya ivintu vimwi vino amano ya muntu yatange yamanye. Ali lino lyene ungasininkizya ukuti Leza akasuula sile ku vintu vimwi vimwi vino ukaifya.

Yobo 21:27

“Fwandi mwe yayame nemo natimanya mpiti ivili umu myenzo inu. Natimanya iviipe vino mwatimupanga ukuncitila.

Yobo 32:1

Ali vino antu yaya yatatu yatile ukuvwanga na Yobo, apamulandu wakuti wene wasininkizye ukuti uwa kayele.

Yobo 32:2

Lyene ali vino umuntu wenga wene pasi pakusoka. Izina lyakwe, a Eliu umwana umonsi wakwe Balakelo umwina Buzi, uwamu luko lwakwe Lamu. Wasokile Yobo apamulandu wakuti wene waiweni ukulungika ukuluta pali Leza.

Yobo 32:3

Wasokile kumwi na yacuza yakwe Yobo yatatu, apakulola ndi vino nayo kwene yatonta uku vwangana na Yobo. Pano lyene cakola ungati nayo kwene yazumilizya ndi vino Leza angaponga.

Yobo 36:17

Lelo antu aipe yatulumanikanga upinguzi wao nu kukalipilwa. Nu kufyenga wafyengelekezyanga ana yacisyale.

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!

Masamu 40:12

Amalanda avule wakwe cimwi yatiyamvulila, Uyi wane uwati ulenga vyonsi vii. Lyene natinsuka intela mwenemo nu kulolekesya. Uyi wane watiuvula ukuluta ni nyele zyaku mutwe wane, cati cimputula nu musana.