Yobo 22:21 - Amazwi Yakwe Leza 2013

²¹ “Ali cino fwandi wemo Yobo, uwauvwana sile na Leza wako pakuti uye nu longo.

Yobo 22:21 ပူးပေါင်းရင်းမြစ်များ

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Masamu 34:10

Nanti angala yacisama yakatemboka uku nzala, lelo yayo afukilila Yawe pasi nanti cimwi cisuma cino yene yanguulilwa.

Ezaya 27:5

Lelo ndi cakuti anisi ya antu yane yakulonda ukuzina kunondi, kaize tuvwane nayo ivyakwikala umutende, pakuti paye umutende pali alio nani.”

Mateo 5:25

Muvwane zuwa na similandu muzo lino muli umu nzila mukuya ku cilye, kuti atize akutwale ku nkombe ni nkombe ikupeele ku musilika kuti akuyalile mu ng'anda yaminyololo.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.