Yobo 22:14 - Amazwi Yakwe Leza 2013

¹⁴ Pano wene amakumbi yamuvimbilikizya, nu kutulola atange atulole ningo. Lilyo lino akutandalila sile apapela umu muputule wa mwiyulu.’

Yobo 22:14 ပူးပေါင်းရင်းမြစ်များ

Yobo 26:9

Lino umwezi wakoma, wene akauvimbilikizya na makumbi yakwe.

Yobo 34:22

Kutaya ukwafisama, nanti ukwazika, kuno kacita wa viipe angafisama.

Masamu 33:14

Umwi sano kwene muno Umwene akaikala, ali muno akalolekesya pali yonsi akaikala pano nsi.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Ezaya 40:22

Insi yaumvilwe kuli wiyo wino wikala pa cilimba cakwe ica wene, cico icayela apapela ya nsi, nu kusungamila antu pano nsi wa vikwe. Awino wavungulula ulwelele wa nsalu, kwati itaalu umwakuti antu yaikalamo.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Amosi 9:6

Yawe aliwe waikuulila isano umwakwikala ukwiyulu, nupya wapanga ulwelele ungati umufula wa mpanga ya pano pansi. Wene akaama amanzi amuli yemba nu kuyapongolwela pa mpanga ya pano pansi. Wiyo kwene izina lyakwe a Yawe.