Yobo 22:12 - Amazwi Yakwe Leza 2013

¹² “Uzye kwene ica cumi Leza wikalila apatali sana umwiyulu? Akalolekesya intanda mpaka nakuno zyayela ukutaitalimpila?

Yobo 22:12 ပူးပေါင်းရင်းမြစ်များ

Yobo 11:7

“Uzye kwene we Yobo ungapikulula uwile wakwe Leza? Uzye kwene papo pano upezile wewe ungamanya ningo pano amano yakwe Leza Wamaka yonsi yapeela?

Yobo 11:8

Ala amano yakwe Leza yatalimpa ukuluta na papela yi yulu, papo pano wemo utangafika penepo. Yazika ukuluta nu kumbo, uku cifulo ca afwe. Wemo ungaposiwa ukufika kweneko.

Yobo 35:5

“Tale sungamila umupela, umwiyulu! Lola vino amakumbi yali apatali sana ukufuma kunuli.

Masamu 115:16

Yawe sile wenga aliwe ali mweneco wi yulu, insi yene aino wapeela antu.

Masamu 115:3

Ala swemo Leza witu waya umwiyulu, akacita na vyonsi vino atemilwe.

Kasambilizya 5:1

Mwatekela pakuya ku Ng'anda ikulu yakwe Leza. Cazipa ukuya ku Ng'anda ikulu yakwe Leza ku kusambilila kuluta ukupeela impolelwa wakwe vino antu atumpe yakacita, yano yatamanya uyi wao uno yakacita.

Kasambilizya 5:2

Mwatala mwelenganya lino mutali muvwange, nupya mutazakantika lino mukulaya kuli Leza. Leza wene waya umwiyulu. Lelo mwemo mwaya umu nsi. Acino mutalanda ivingi ukuluta pali vino mungacita.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?