Yobo 21:16 - Amazwi Yakwe Leza 2013

¹⁶ “Lelo yene yamanya ukuti ulongo lwaya mu milimo ya makasa yao aeneco. Lelo nemo nsilondela umpandamano wa antu aipe uno yatailamo.

Yobo 21:16 ပူးပေါင်းရင်းမြစ်များ

Utandiko 49:6

Nemo ntangalemana nayo mu kulanzyanya kwao kwa mu nkama. Nupya ntangatola imbali nanti imwi mu maukongano yao. Pamulandu wakuti yakomile antu mu ukali, nupya yalemalike yamasaye ku mufulo sile.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yobo 22:18

Lelo kwene nanti cali vivyo, a Leza kwene uwayasambazizye ni vintu visuma vyonsi umu mang'anda yao. Kwene nemo cingampezya amano pakuzumilizya imyelenganyizizye ya antu aipe.

Masamu 1:1

Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

Mapinda 1:10

Mwanane, yakaifya ndi cakuti yakuzunya utayazumila.

Mapinda 5:8

Uwafuntuka ku mwanaci wa misango iyo, utaezya ukupalama ku mulyango wa ng'anda yakwe.

Kasambilizya 8:8

Kusi umuntu nanti umwi angaleuka imfwa, nanti ukusisya uwanda wa mfwa yakwe. Ala imfwa inkondo ino umuntu atangaleuka, nanti ukucenjela kusi.

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.