Yobo 2:4 - Amazwi Yakwe Leza 2013

⁴ Alino Satana aasuka ati, “Umuntu ali nu kupeela vyonsi vino wakwata pakuti aikale nu umi.

Yobo 2:4 ပူးပေါင်းရင်းမြစ်များ

Utandiko 47:17

Caleka yaleta iviteekwa vyao kuli Yosefu. Yosefu ayapeela ivyakulya yakauzyanya ni ngamila, imfwele, imbuzi, ing'ombe na yapunda. Mwaka ulya iusila ala yakukauzyanya ivyakulya ni viteekwa vyao.

Utandiko 47:19

Uzye ukulonda tufwe ale ukulola? Tupeleko ivyakulya. Utaleka tutazyele impanga muno tukalima. Tupeleko ivyakulya pakuti ukale impanga zitu muno tukalima pamwi naswe kwene. Tumaya azya yakwe Falao, ni mpanga zitu muno tukalima zimaya izyakwakwe. Tupeleko ingano kuti tutafwa ni nzala, nga ni mbezu zya kukomela.”

1 Yamwene 20:31

Inkombe zyakwe ali kuno zyaile nu kuyamunena ziti, “Twatituvwa ukuti yamwene yonsi ya ina Izlaeli yakwata uluse. Wemo tupele sile insambu yakuti tuye ku mwene wa ina Izlaeli, tule twatituzwala ni vyakuzwala vyakulanga indosya ale twatitunyepa ni myando umu nsingo. Limwi lyene atange aye atukome.”

Yobo 2:3

Yawe nawe auzya Satana ati, “Uzye watulola vino umuomvi wane Yobo ali? Uzye muno nsi mungaya umwi wino yangalingana nawe uku usuma nu ku ulungami? Yobo waya nu mucinzi kunondi ne Yawe. Wene akafuntuka ku kucita iviipe vyonsi nupya akasunga ukaele wakwe. Ale lyene walola vino waicuzizye sile apa kunzembeleka nu kumpatikizya kuti imuletele imikosi apaula umulandu.”

Yobo 2:5

Lelo ndi cakuti wemo wala wakumya ku mwili wakwe nu kumutota, cawaya, ulalola vino alakutuka nu kukutipwila ale ukulola nu kulola!”

Mapinda 13:8

Icuma ca mukama icikamutuula uku uzanzo uno ukamuponela, lelo umupina wene atakwata ni cakumusakamika.

Yelemiya 41:8

Lelo umwiumba kwene ilya antu yaya mwalimo aonsi ikumi lyonga yano yanenyile Isumeli yati, “Utatukoma! Tukweti ingano, baale, amafuta nu uci, vino twafisa mu vyalo.” Fwandi nawe ali vino atayakomile. Lelo wayayelile uluse kumwi na auze.

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Mateo 6:25

Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu. Uzye umi utalusile ivyakulya, nu mwili utalusile vizwalo?

Luka 12:23

Umi ulusile ivyakulya, nu mwili ulusile vizwalo.

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.