Yobo 2:12 - Amazwi Yakwe Leza 2013

¹² Walanga sile lino yacili patali yamulola, lelo ala yatiyamuponga. Nga walanga yapalama kunoli, yamumanya nga yalukusya na minsozi. Alino iyalepola ni nsalu zyao pakulanga ulanda. Lyene iyatola ni twi nu lukungu, iyaiswela ku mitwe yao.

Yobo 2:12 ပူးပေါင်းရင်းမြစ်များ

Utandiko 27:34

Lino Esau uvwa vivyo alila nu kulosya kwa ulanda ati, “Tata, umpolelele nani kwene!”

2 Samueli 13:36

Lino wamala sile ukulanda, ana ya mwene nayo iyafika, iyala yakulosya ni mpoma. Umwene nawe kwene pali pamwi na aomvi yakwe iyalosya wakwe cimwi.

Ezila 9:3

Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Neemiya 9:1

Apa wanda uwalenga amakumi yaili na yani uwa mwezi kwene uwa, aina Izlaeli yonsi pyu yakongana uku kuifuntusya ku lunkumbwa lwa kulya icilyo. Lilyo ala yazwite ivisamu nga ala yatiyaiswela ni twi ku mitwe.

Esita 4:1

Walanga Modekai uvwa ivyacitike, alepola ivyakuzwala vyakwe, azwala ni vyakuzwala vya ndosya nga aivumvunya umwi twi. Atandika ukutawanta umu musumba, nu kutulula impoma ya ulanda.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Yobo 19:14

Antu yane na yacuza yatiyantazyela. Yano napokelelanga ukwane nayo yatiyanjilila.

Nyimbo zya ndosya 2:10

Aikolo amu Yelusalemu lyene yakwikala sile pansi nu kukungumala. Yakuuivusya ivu ku mitwe nu kuzwala ivisamu. Akazyana amu musumba nayo yakukontamika sile imitwe pansi.

Ezekelo 27:30

Yalasanzula izwi pa kulosya nu kupomola impooma ikalamba. Yene yalaiswela ulukungu ku mitwe nu kukunkula mwi twi.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

Umbwilo 18:19

Yaiswela na masenga pa mitwe yao, yalila nu kulosya, yati, “Owee, we koofya we! Owee, we kwipa we ku musumba ukulu! Wene uli musumba ukulu uno onsi akwata mato akulu akapita pali yemba yalenzilwe kuya akama pa vyuma vyauko! Lyene wene waponzya vyonsi muli aawa wenga!”

Yakapingula 2:4

Lino umungeli wakwe Yawe wamala ukulanda ivintu vii ku ina Izlaeli, yonsi kwene iyalila nu kupooma,

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.

1 Samueli 30:4

Acino Davidi na antu yakwe iyalila nu kupooma wakwe cimwi mpaka amazwi yao iyakoma.

1 Samueli 4:12

Uwanda kwene ulya umuntu umwi uwamu mutundu wakwe Benjamini atandika ulwilo ukufuma ukwayelile ulwi nga aya afika ku Syilo. Umuntu wilya pakulanga ulanda uno yali nao, alepola ivyakuzwala vino wazwite nu kuisansa ulukungu ku mutwe.