Yobo 2:11 - Amazwi Yakwe Leza 2013

¹¹ Walanga yacuza yakwe yuvwa imikosi iyaponile Yobo, yaya mu kumupempula. Amazina yakwe yacuza yakwe a Elifazi umwina Temani, Bilidadi umwina Syuwa, na Zofali umwina Naamati. Fwandi ali vino yuvwanyile nga yakatuka apakuti yakamupempule nu kumutekezya.

Yobo 2:11 ပူးပေါင်းရင်းမြစ်များ

Utandiko 25:2

Ketula wamuvyalile Zimulani, Yokisyani, Medani, Midyani, Isyibaki na Syuwa.

Utandiko 36:11

Ana aonsi yakwe Elifazi a Temani, Omali, Zefo, Gatamu na Kenazi.

Utandiko 36:15

Yaa ali amu panda wakwe Esau aizile yaya intunguluzi: Amwi yeli lyakwe Elifazi ali ntunguluzi yali a Temani, Omali, Zefo, Kenazi,

Utandiko 36:34

Lino Yobabu wafwa, Husyamu ukufuma ku mpanga ya ina Temani amupyana apa wene.

Utandiko 37:35

Ana yakwe aonsi na anaci yonsi yiiza ku kumutekezya, lelo akana ukutekeziwa avwanga ati, “Awe indi nu kulosya suka imfwe, ndondele umwanane.” Acino atwalilila ukulosya Yosefu umwana wakwe.

1 Milandu 1:32

Abulaamu wakweti umuci namuze, wino izina lyakwe a Ketula. Ketula wavyalile Abulaamu ana mutanda aonsi. Amazina yao a Zimulani, Yokisyani, Medani, Midyani, Isyibaki na Syuwa. Yokisyani wakweti ana yaili aonsi. Amazina yao a Syeba na Dedani.

1 Milandu 1:45

Lino Yobabu wafwa, Husyamu ukufuma ku mpanga ya ina Temani amupyana apa wene.

1 Milandu 7:22

Efulemu isi wao ayalosya amanda avule, nga na akazi kakwe yizile ku kumutekezya.

Yobo 11:1

Lyene Zofali umwina Naamati aasuka ati,

Yobo 13:4

Pano mwemo mukulonda sile mwailanga apakulanda ivyantumpu. Mwensi pyu umu mvwango zinu mukoline na yasing'anga.

Yobo 15:1

Lyene Elifazi umwina Temani aasuka Yobo ati,

Yobo 16:2

Ampiti sana lino natandike ukuvwa mazwi ya musango uo. Na vyonsi vino mukuvwanga, vikumvulumwila sile amasakamiko.

Yobo 16:20

Yacuza yane yakunsoweka, nga nani nkalilila Leza.

Yobo 18:1

Lyene Bilidadi umwina Syuwa aasuka ati,

Yobo 19:19

Yaya kwene yano yali yacuza yane, ali yano yakumfinda. Yano natemwisizye, ali yano yatiyamfutatila.

Yobo 19:21

Si mungala mundole luse luse, mwe yacuza yane! Ala ivizanza vyakwe Leza vyativintitila.

Yobo 4:1

Lyene Elifazi umwina Temani aasuka Yobo ati,

Yobo 42:11

Aina yakwe aonsi na yakaci yakwe yonsi, kumwi na yacuza yakwe ampiti, yiiza uku kumulola, nu kwiza ipakizya pamwi nawe umu ng'anda umwakwe. Ala yakumuvwila ulanda nu kumutekezya umwenzo apa macuzi yonsi yano Yawe wamuletile. Yonsi kwene, cila muntu, asya wamupeela impiya nga ni mbalaminwe yakwe zaabu.

Yobo 42:7

Walanga Yawe wamala ukunena Yobo amazwi yaa, alino anena Elifazi umwina Temani ati, “Nemo natinkusokela wakwe cimwi, pamwi na auzo yoili, apamulandu wa kukanalanda ivyacumi pali nene, ndi muno umuomvi wane Yobo wavwangile.

Yobo 42:9

Fwandi ali vino Elifazi umwina Temani, Bilidadi umwina Syuwa na Zofali umwina Naamati, yaile yacita ndi muno Yawe wayaneniile. Fwandi Yawe nawe ali pakupokelela ipepo lyakwe Yobo.

Yobo 6:14

“Ala lino indi mu ucuzi wakwe uu, nkutaila ukukwata ivyuza vyampomvu, cisi cimwi nanti indi ni misuuli kuli Leza Wamaka yonsi nanti foo.

Yobo 6:19

Imilongo ya alendo ukufuma uku Tema ikalondesya ukuli amanzi, imilongo ya aculuzi aku Syeba ikapaalila ukuyazana.

Yobo 8:1

Lyene Bilidadi umwina Syuwa aasuka ati,

Mapinda 17:17

Cuza, umukundwe insita ili yonsi. Uwina nao uwacani fwandi ndi cakuti asi wakuculila pamwi?

Mapinda 18:24

Yacuza yamwi yakatutwala ukwilovyo. Lelo yacuza yamwi yaluta nu kulemana kwa lupwa.

Mapinda 27:10

Utatazyela cuza wako nanti cuza wakwe so, utaezya nu kuya uku ng'anda ya mwinako, ndi cakuti waponelwa ni ntazi.

Ezaya 51:19

Apa mipamba iyo iili ino yakuponile, umwi auwa uwakononekelwa kwa mpanga uku ulwi wa nkondo. Uze nao auwa uwakulola kuno antu yako yakucula ku cipowe. Fwandi kutalolike nanti wenga uwa kukuvwila uluse awe.

Yelemiya 49:7

Apa ina Edomu, Yawe Wamaka yonsi wavwanga wati, “Uzye amalango yasililikila umu Temani? Uzye na yampandamano yati yaulila kumwi? Uzye amalango yao yasuka yaola?

Obadiya 1:9

Ivita vyaku Temani navyo kwene viluvwa intete, na asilika yonsi aku myamba yakwe Esau yalakomwa.”

Yoane 11:19

Na antu aingi amu Yudeya izile kuli Mata na Maliya kukuyatekezya pamulandu wa mfwa yakwe kalume wao.

Loma 12:15

Muzange pamwi na yao akuzanga, losyini pamwi na yao akulosya.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.

Yoswa 15:41

Gedeloti, Beti Dagoni, Naama na Makeda. Yonsi pamwi yali imisumba ikumi na mutanda ni mizi yakweyo.