Yobo 17:4 - Amazwi Yakwe Leza 2013

⁴ Pasi pano awewe kwene watuvimbilikizya imyenzo yao apakuti yatailuka. Leka fwandi yataitanka pali nene.

Yobo 17:4 ပူးပေါင်းရင်းမြစ်များ

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Yobo 12:20

Aliwe akazimya amazwi ya vilolo vyakwe ivyampomvu. Aliwe akalenga nu kutailwa kwa akoloci kusile.

Yobo 17:5

Cili kwati umuntu wino wataama yacuza yakwe, apakuti ayankanye ivyuma vyakwe, ala na ana yakwe yene yatenzi yakusipwilila sile, suka nu tulo twayazana yalala yatonta muno yakulolela.

Ezaya 19:14

Yawe aliwe walenga ukuti zyapanda antu yauze amano yacimvundawila. Uli mulandu kwene uno walenga nu kuti aina Eguputo yapumeka muli vyonsi vino yakacita. Icalenga nu kuti Eguputo apempezyoka ungati umuntu uwatakoleka waini.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Loma 11:8

Ndi vino calembwa mu malembelo cati, “Leza wayapile myenzo ikome cakuti kufika ni lelo yaposiwa ukulola nanti ukuuvwa.”

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!