Yobo 16:4 - Amazwi Yakwe Leza 2013

⁴ Nani kwene inja wakwe mwemwe, ningavwanga vyonsi vino mukuvwanga. Ngano nkuti ndi navwanga intensya nu mutwe mpaka muzuka na cele, uku mazwi yane.

Yobo 16:4 ပူးပေါင်းရင်းမြစ်များ

2 Yamwene 19:21

Yawe wataasuka ati, “Wewe Senakelibu mwana wamusuula we! Umusumba wa Yelusalemu watiukuseka nu kukusuula watiukusuula wakwe cimwi.

Yobo 11:2

“Uzye umuntu uwavwangikisya wene yatange yamwasuke? Uzye ukuvwangikisya tungati ali kulungika?

Yobo 16:5

Lelo ningalanda amazwi akumukomelezya, suka sile na pano amati yanguma umu mulomo wane.

Yobo 35:16

Ala mwine Yobo, ukuicuzya sile ni vyakuvwangavwanga. Ee, kwene utamanyile cino ukuvwanga.”

Yobo 6:14

“Ala lino indi mu ucuzi wakwe uu, nkutaila ukukwata ivyuza vyampomvu, cisi cimwi nanti indi ni misuuli kuli Leza Wamaka yonsi nanti foo.

Masamu 109:25

Antu nga yandola, pasi pakunsoweka. Lino yandola yakupunga sile imitwe yao.

Masamu 22:7

Yonsi yano yakandola yakanseka, yakamfyola ala yakupukunya ni mitwe iyati,

Masamu 22:8

“Wataila muli Yawe, ale lyene Yawe kakutuule tuvwe! Leka wene akukulule, pano akazangila munuli.”

Masamu 44:14

Watuleka imitundu yuze yaama umutundu witu ni mitumfyo, yakukunta sile imitwe pakutusuula.

Mapinda 10:19

Ukuvuzya kwa mazwi, musiulwa ukuluvyanya, lelo umuntu wensi akasunda kalomo wene uwamano.

Kasambilizya 10:14

Iciwelewele cisita kuvwanga. Kusi umuntu nanti wenga uwamanya ivili nu kucitika ku nsita yaku nkolelo. Nupya kutaya angatunena ivili nu kucitika pacisila ca mfwa itu.

Ezaya 37:22

Na pakulanda pali aliwe, Yawe wavwanzile ati, “We Senakelibu we, ala mwine umusumba wa Yelusalemu watiukusuula wakwe cimwi nupya nu kukuwela ukukuwela.

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Yelemiya 48:27

Uzye asi wewe wasekanga Izlaeli? Uzye yamulemile apakasi ka ivi, apakuti lyonsi wemo wapukanya sile umutwe wako, lyonsi lino walumbula izina lyakwe?

Nyimbo zya ndosya 2:15

Antu yonsi akupita mu musumba yakukusonta ni minwe, yakufunga na makofi misula misula. Yene yakuvwanga yati, “Uzye uu uli musumba uno yakulumbilizya yati, ‘Nacansonso Citaizipila, luzango wa nsi yonsi?’ ”

Zefaniya 2:15

Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Loma 12:15

Muzange pamwi na yao akuzanga, losyini pamwi na yao akulosya.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.