Yobo 15:8 - Amazwi Yakwe Leza 2013

⁸ Uzye uvwikisya manye amapange yakwe Leza, nanti limwi wewe uli wamano ukuluta antu yonsi?

Yobo 15:8 ပူးပေါင်းရင်းမြစ်များ

Yobo 11:6

lyene ungalola vino angakulongwela inkama zyakwe. Kwaya ivintu vimwi vino amano ya muntu yatange yamanye. Ali lino lyene ungasininkizya ukuti Leza akasuula sile ku vintu vimwi vimwi vino ukaifya.

Yobo 12:2

“Ica cumi nasininkizya mwemwe antu yamano. Na lino mulafwa ale na mano inu kwene yapongelela kumwi.

Yobo 29:4

Yaya yali amanda yano nali nu ukankala wa ulumendo wane. Na Leza wacingililanga ing'anda yane.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Mapinda 3:32

pano Yawe wapata umuntu akaifya uku mufulo, lelo aololoke ali yakundwe yakwe.

Yelemiya 23:18

Nga alino nani navwanzile inti, “Pasi nanti wenga pali yakasema yaa wino watala wamanya inkama zya melenganyo yakwe Yawe. Pasi nanti wenga wino watala uvwa nanti ukutezya ilamulo lyakwe, nanti sile ukuvwa nu kusumba amano kuli vino akavwanga.

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Mateo 13:35

Cii cacitike pakuti cifikiliziwe cino kasema wavwanzile ati, “Ndavwanga kunoyali mu milumbe, Ndasokolola vintu vino vyafiswa kufuma ku utandiko wa nsi.”

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Loma 11:34

Ndi vino calembwa mu malembelo cati, “Uzye aweni wamanya mano yakwe Leza? Uzye aweni angamupanda mano?

1 Kolinto 2:16

Cili ndi vino calembwa mu malembelo cati, “Uzye aweni uwamanya melenganyo ya Mwene? Uzye aweni angamupanzya mano?” Lelo swemo twakwata kwelenganya kwakwe Klistu.

Malango 29:29

“Kwaya kweneko ivintu vimwi vino Yawe Leza witu atatusokolwela. Lelo wene watusokolwela amasunde yakwe, nga sweswe pamwi na amu mupanda witu tulinzile twayayela amanda pe.”