Yobo 14:12 - Amazwi Yakwe Leza 2013

¹² Umuntu nawe ndi wafwa asikatuka nupya, ala walalilila casila. Amayulu yalasuka yapanguluke, uwafwa wene atacili akatuke, kutanga kuloleke uwakumukatusya umu tulo twakwe.

Yobo 14:12 ပူးပေါင်းရင်းမြစ်များ

Yobo 3:13

Vyonsi vivyo vikana kucitika, ngano vii nkupuza. Ngano nindala utulo ninkasula.

Yobo 30:23

Lyene natimanya ukuti watuntwala ku mfwa sile. Akuno tuce tukakomenkane na afwe.

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

Yobo 7:9

Vivi kwene vino mukalola ikumbi kuno lyasalangana nu kupita, ali vino nu muntu akaya uku mpanga ya afwe nawe aililila.

Masamu 102:26

Vyonsi pyu vilononeka, lelo wemo ulayelelela pee. Vyonsi vilalola wa vyakuzwala. Wemo ulavizuula wa vizwalo, nu kulowa ala vyalowelela.

Masamu 90:5

Ukasenda antu wakwe mulamba, yasilengela, yene yakapita sile wa ciloto. Yene yali wa mulemvwe umu katondotondo,

Kasambilizya 11:8

Uwataizya pa myaka yonsi iya umi wako. Nanti ungikala imyaka ivule cuze, uwaiusya ukuti ulalengela kuzimo. Kutalaya cimwi cino ulalolela uku nkolelo.

Kasambilizya 12:5

Wemo ulaoopa incende zisanzame, nu kupitana kulaya intazi zitupu. Ku mutwe wako kulaya imvwi zitupu. Ulaposiwa nu kukweteka, nga ni nsuna ya vintu vyosi kutalaya. Tukuya ku uyo witu uwa upuzo, nga lyene kulaya ukulosya mu misolo.

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Ezaya 51:6

Tumpulini amanso inu umwiyulu, mulolekesye na pansi. Amayulu yalaongoloka wa vyunsi, insi nayo ilasizya wa nsalu, na aikalansi yalafwa wa tuzizi. Lelo ufyusi wane ulaelelela pee, nga nu ulungami wane nao utalasila.

Ezaya 65:17

Nupya Yawe avwanga ati, “Mwalola, nemo namaumba iyulu lipya ni nsi ipya. Ivyampiti vyonsi vilililika, yatalaviusya nupya.

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

Loma 8:20

Uumbo nanti wavulungana, lelo kusi ukulonda kwakweo kuti uvulungane. Leza wakasi kuti ciye vivyo mu

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Umbwilo 21:1

Nupya ndola iyulu lipya ni nsi ipya. Iyulu lyankolelo ni nsi yankolelo vyati vipita, na yemba nawe atakuloleka.